TASA MORTALIDADE INAN HO BEBE NUMERU AAS IHA HNGV

Tinan 2015 Hospital Nasional Guido Valadares (HNGV)  rejista ona tasa mortalidade  inan mate iha tempu partus hamutuk 20 ho bebe mate nain 196.

Nune’e iha tinan 2016 nia laran ne’e HNGV rejista tan inan nain 9 mak mate iha tempu partus ho bebe mate nain 21.

Ho fenomena ne’e hadutu katak tasa mortalidade inan mate durante partus ho  bebe mate numeru aas iha HNGV. Tanba ne’e atu halo prevensaun ba numeru refere labele aumenta  husu ba inan feton sira banhira isin rua tenki hakbesik aan ba iha fasilidade saude ne’ebe mak besik atu halo check up hodi hatene bebe nia  kondisaun.

“Iha tinan kotuk 2015 nia laran ami rejista ona tasa mortalidade maternal ba inan sira ne’ebe mai partus iha hospital nasional  hamutuk 451/100 ribu kelahiran husi numeru ne’e inan nain 20 mak mate depois bebe sira mate iha  nain 196 ho nia tasa mortalidade  mak 46 / 1000 kelahiran hidup depois  iha tinan 2016 nia laran inan ne’ebe partus mak mate husi fulan janeiru to’o Marsu hamutuk nain 9 bebe mate iha fulan Febreiru 2016 hamutuk nain  21  inan sira ne’e ho idade reproduktivu balun 26 ,23, 27 idade kiik “informa Parteira Sara  Maria  F. Xavier ba JN- Diário iha HNGV, Sabado (3/4/2016).

Parteira Sara haktuir, tasa mortalidade inan ho bebe mate iha HNGV la’os fallansu husi atendimentu pesoal saude sira nian, maibe inan sira mate ne’e tanba sira mai ho komplikasaun no grave tebes.

“Mate sira ne’e la’os falha husi atendimentu husi parteira sira mak ladiak lae.  inan sira mate ne’e tanba sira mai ho komplikasi ho grave tebe-tebes I todan tebe tebes entaun labele salva  no bebe sira mos hanesan wanhira mai mate tiha ona iha inan nia  kabun laran mak depois partu mai entaun dala barak labarik sira mate iha inan nia kabun laran kan iha factor oi-oin durante isin rua inan ne’e keta hetan infeksaun ruma ou dala ruma inan  la ba konsulta la detekta sedu entau labele prevene,”nia hateten.

Total inan ne’ebe mak partus iha tinan 2015 iha hospital nasional Guido valadares (HNGV) hamutuk 40239  bebe ne’ebe mak moris husi inan 40239 hamutuk 40434.

“inan sira mai partus iha ne’e ami rejista hamutuk 40239 husi numeru inan partus refere ne’ebe mak moris hamutuk  40434 ne’e  sinifika katak bebe balu kaduak ne’emak nia numeru nebe bot liu fali inan sira ne’ebe mak partu tanba inan balun nia oan bele kaduk tolu, rua .depois inan sira ne’ebe partus normal hamutuk 30050 , inan ne’ebe partus  sezariana operasi iha  963, partu instrumental hamutuk 303 depois partus bebe moris kidun sai uluk iha  118,”dehan Sara.car

Jornal Nacional