sexta-feira, 7 de abril de 2017

PNTL Preparadu ba Seguransa Eleisaun Parlamentár

DÍLI (TATOLI) – Komandante Polisia Nasionál Timor-Leste (PNTL), Komisariu Julio Hornay hateten, PNTL preparadu hodi fó seguransa ba kampania to’o eleisaun Parlamentár.

ʺBa kampañia to’o eleisaun ami preparadu, tamba ne’e PNTL no F-FDTL sei halo evaluasaun servisu durante eleisaun Parlamentár,ʺ dehan Komisariu Julio Hornay hafoin informa asuntu ne’e ba Prezidente Repúblika Taur Matan Ruak iha Palasiu Prezidensiál Bairo-Pite, Dili, Kinta (06/04/2017).

Kona ba lalaok operasaun, ʺPlanu operasaun ne’e seguransa ninian, ne’e ami mak hatene maibe importante liu maka seguransa ba eleisaun ne’e preparadu.ʺ

Komisariu ne’e realsa iha numeru PNTL sufiisiente hodi asegura seguransa durante eleisaun Parlamentár.

Iha parte seluk, konaba preparasaun seguransa ba seremonia tomada pose no aniversariu restaurasaun independensia ba dala 15 mós preparadu.

ʺPNTL Prontu hodi asegura seguransa durante seremonia tomada Posé no (komemorasaun) 20 Maiu,ʺ esklarese Komisariu ne’e. (Jornalista: Agapito dos Santos / Editor: Gantry Meilana)

Foto: Susesu fo seguransa iha Eleisaun Prezidensial, Polisia Nasional Timor-Leste (PNTL) preparadu ona atu fo seguransa hanesan ba eleisaun parlamentar ne'ebe sei halao iha Jullu 2017. Photo: TATOLI / Antonio Goncalves 

Sem comentários:

Enviar um comentário

NO ADMITANCE | Sending and Posting Advertisement in Mass or Stupid Pointless Annoying Messages

SEJA BEM-VINDO | Comente livre e democraticamente. Respeite os(as) outros(as) para ser respeitado(a)

Obrigado