DINAMIZA MERKADU VOO, GOVERNU SEIDAUK FOTI DESIZAUN AUMENTA AVIAUN

Primeiru Ministru Rui Maria de Araújo hatete katak, dadauk ne’e Governu seidauk foti desizaun kona-ba aumenta aviaun mai Timor Leste, tanba Ministériu kompetente sei haree, oinsa mak atu bele dinamiza merkadu ida ne’e.

“Desizaun atu aumenta aviaun mai Timor Leste ne’e, anivel konsellu Ministrus seidauk foti desizaun, tanba Ministériu kompetente sei haree, oinsa mak atu dinamiza merkadu ida ne’e,”informa PM Rui Araújo ba jornalista sira iha Caicoli Dili, Kuarta (03/9).

Xefi Governu ne’e afirma, transportes aeros ne’ebe oras ne’e dadauk iha Timor Leste, hodi liga nasaun sira seluk, hanesan Indonesia ho Australia, ida ne’e setór privadu mak providensia, no Estadu regula deit.

“Estadu regula atu haree ba kualidade, haree ba númeru de vous, hodi garante katak, vous sira ne’e, priense kritérias minimus,”dehan Rui Araújo.

Xefe Governu ne’e afirma, husi pontu devista responsabilidade atu hala’o vous sira ne’e ka la’e, ida ne’e kompañia privada sira mak hatene.

“Iha kazu ida ne’e, Timor Aid, sira iha problema intermus jestaun ninian, maibé Estadu observa hela, liu husi Ministériu Obras Públika Transporte i Komunikasaun, akompaña hela prosesu ne’e para haree,”tenik nia.

Rui Araújo esklarese, merkadu Timor Leste nian nakloke ba kompañia husi nasaun hotu, li-liu ba vous internasional ninian, konserteja kuandu setór privadu sira bainhira hasoru difikuldades, Governu sei haree formas oinsa atu lori tan kompañia husi Aeres seluk tan, hodi nune’e bele hala’o servisu ba populasaun.

Xefi Governu ne’e reafirma, problema ida ne’e, la persija atu ba to’o Konsellu Ministrus atu foti desizaun hodi aumenta aviaun, tanba ida ne’e ba intrese públiku.

Antes ne’e, mosu problema uit ona entre pasajeirus sira ho aviaun Garuda, tanba Garuda lakoi halo ona operasaun ho razaun katak, Governu halo ona kontratu foun ho kompañia seluk.cos

Jornal Nacional