Viza Turista Hadau Servisu, Governu Rekoinese Menus Kontrolu

DILI - Sidadaun estranjeiru nebe uza viza turista hodi hadau servisu ho Timor oan iha rai laran, Sestu governu konstitusional rekoinese durante nee menus kontrolu maske iha lei nebe forte hodi haruka fila sidadaun estranjeiru.

Tuir ministru Estado, Koordenador Assunto administrasaun do Estadu ho Justisa no Ministru Administrasaun ESTATAL Deonisio Babo katak Lei Imigrasaun klaru katak sidadaun estranjeiru nebe tama iha Timor ho intensaun nebe hakerek iha viztu kuandu fo ba sira.

Ema barak mai ho vistu turismu nian maibe halo fali bisnis, ita nia kontrolu mak sei fraku too agora ita tenki rekoinese, tuir lolos ema sira hanesan nee kuandu kontra ona lei ita haruka fila no multa,” dehan Babo ba STL Kinta (03/09/2015) iha ninia Knar fatin Caicoli.

Nia hatete too agora prosesu kontrolu nee mak fraku teb-tebes tan nee importante miniteriu releventante tenki hare liu-liu iha imigrasaun atu kontrola didiak, no halo inspesaun rutina ba sidadaun estranjeiru nebe mak halo aktividade iha rai laran hodi cek sira nia vistu.

Iha fatin ketak Direitor Jeral SEPFOPE Jacinto Barros Gusmao hatete, Vistu Turista nee bele hela iha timor Loron hira, no vistu servisu nee atu servisu iha Timor Tinan hira, buat sira nee presiza hare. Informasaun kompletu iha STL Jornal no STL Web, edisaun Sabado (5/9/2015). Timotio Gusmao

Suara Timor Lorosae