Povu Hakfodak Taur, Xanana, Alkatiri La Iha Harmonia

POETETE - Povu Suku Poetete, Postu Administrativu Ermera Vila, Munisipiu Ermera hakfodak kuandu rona Prezidente Republika Taur Matan Ruak, Komadante em Xefi Falintil Kay Rala Xanana Gusmao ho Eis Primeiru Ministru Mari Alkatiri, difirensia ideias no kontra malu, nee hatudu katak sira la iha haromina, no bele impede dezenvovimentu no pas iha TL.

Lia hirak nee hatoo husi Ativista Munisipiu Ermera Pedro dos Santos, liu husi dialogu aberta ho Prezidente Taur, iha Suku Poetete, Segunda (27/06/2016)

Ami hakfodak ho Prezidente Republika Taur Matan Ruak hatoo diskursu ba povu liu husi Parlamentu Nasional, konsege hamosu polemika no hateten tan Xanana ho Mari nee hanesan Soharto, nee hatudu ba publiku katak Taur, Xanana ho Mari la iha ona harmonia. nee kontrariu ona ho Prezidente nia deskursu katak dezenvovimentu iha, tenki iha paz, mas ita analiza nain ulun sira nee iha paz ka lae, tamba Maun Taur, Xanana ho Alkatiri fila kotuk malu, satan povu sira nee sai pior liu,”hateten Pedro.

Nia mos hatutan dadauk nee iha isu ida katak dadauk nee kaer hela poder hanehan Prezidente, iha rumoris katak Prezidente hari fali partidu PLP, nee tebes ka lae, tanba tuir lei kaer knar Preziene la bele hari partidu.

Tuir Povu Poetete Jose dos Santos hateten lider rezistensia no ukun nian sira kria polemika no kontra malu, la iha unidade, nee hatudu ba povu liu-liu joventude atu halo tuir.

Hatan ba Kestaun nee PR Taur hateten difrensia ideias no violensia nee la hanesan, ema Timor nee hanoin katak kuandu hanoin la hanesan nee katak tuku malu ona, nee bulak ona maka hanesan nee. Informasaun kompletu iha STL Jornal no STL Web, edisaun Kuarta (29/6/2016). Joao Anibal

Suara Timor Lorosae