Regras Partidu Viola, Simu Konsekuensia

DILI - Kuadru Partidu Libertasaun Popular (PLP) neebe envolve iha VII governu konstitusional, tenke prontu atu simu konsikuensia husi partidu, tanba viola regras noprinsipiu partidu nian.

TuirVise Prezidente Komisaun Politika Nasional Partidu Libertasaun Popular (PLP) Mericio Akara, kuadru PLP neebe envolveiha governu no lakohi tuir regulamentu, nia konsekuensia mak, partidu sei aplika regras partidu nian. Hanesan mos iha organizasaun hotu, kuandu membru sira lakohi tuir ona regra hodi halo tuir deit nia hakarak tenke hasoru regulamentu.

“Ami nia pozizasaun prezidente partidu klaru no firmi ba opozisaun, prezidente nia orientasaun nee klaru ba membru no estrutura hotu, tanba nee ami hanesan membru partidu nafatin asegura PLP nia knar hanesan opozisaun. Karik individu balu foti desizaun mesak nee responsabilidade nia pesoal, maibe  regra partidu nee mantein tanba mai iha partidu nee  iha regra interna neebe regula,” dehan Mericio ba STL Kuarta (27/09/2017) iha PN.

Nia informa, bain-bain prezidente Taur hatete, sei halo balansu ba governu, no sai alternativu ba governu  no sei kontrola programa governu nian. Nuudar membru ou strututra partidu tenke hatene aan, karik lakohi tuir regulamentu partidu. “Karik ida nee  ba hau diak liu hau rezigna aan, tanba nee karik ema neebe lakohi ba rezigna aan prezidente partidu mak bele  foti desizaun,” tenik Akara.

Iha fatin hanesan Xefi Bankada PLP Fidelis Magalhaes dehan,   PLP nia ema balu hanesan L4 no sira seluk envolve iha VII governu nee.

“Ami respeitu tomak sira nia desizaun hanesan individu, maibe ami diskorda hanesan partidu, maibe depois ita sei haree didiak mekanizmu partidu. ami lakohi  tanba iha diferensa pasu ida nee, hahu nega malu no trata malu  nee lalos”.

Fidelis hatutan koalia  politika interese nasional, prosesu demokratiku, buat sira neebe akontese, nee normal. Tanba partidu nia pozisaun, nia membru laautorizadu bele eskolla hodi hili dalan seluk.

Relasiona ho nee informasaunneebe lao iha rai laran katak PLP nia ema fahe ba grupu rua, balu nafatin firmi opozisaun, balu atu hola parte iha governu, nee gramatiza liu. Tuir nia problema ho politika Parlamentar, mudansa politika lao lalais, dala ruma ladun apar, tanba sa mudansa nee akontese.

“Dalaruma maluk balu sente katak partidu nia desizaun lahanesan ho individu nia hanoin, dalaruma partidu nia hanoin katak individu nia desizaun lareprezenta partidu nia hanoin”.

Fidelis hatutan haree ba buat sira nee laos dehan PLP fahe ona ba grupu 2, nee lae, tanba PLP nia lideransa solida, nia bankada Parlamentar mos solidu ho votus 8.

Entretantu, Deputadu Jacinto Viegas husi bankada CNRT dehan estrutura partidu CNRT seidauk hola desizaun katak atu deside ema ruma ba hola parte iha governu, maibe iha  balu atu tama iha governu, ba hanesan individu ka ba estrutura tenke iha rekonesementu ba partidu.

Husi partidu mais votadu husu ona ema balu husi CNRT, maibe partidu seidauk autoriza, karik ema CNRT nian ba envolve governu karik nee laos ona partidu, maibe nee ba ba hanesan individual. 

Guilhermina F / Jacinta S | Suara Timor Lorosae