quarta-feira, 1 de março de 2017

PSD Husu Militante Vota “Konsiensia” Laapoiu KANPRES

PARTILHAR
DILI – Partidu Sosial Demokratika (PSD) liu husi enkontru Konsellu Politika Nasional (KPN), iha loron 19 Fevereiru 2017, determina katak PSD sei laapoiu, kualker Kandidatura Prezidente (KANPRES) periodu 2017-2022.

Tuir Sekretariu Jeral PSD, Reinaldo P. Borges hatete katak, relasiona ho eleisaun prezidensial 2017, hahu husi loron 1 fulan Marsu 2017, PSD deklara ba publiku sei laapoiu ba KANPRES husu vota konsiensia.

PSD husu militante hotu vota tuir nia konsiensia,” dehan Sekretariu Jeral PSD, Reinaldo liu husi konferensia imprensa iha sede nasional PSD, Mandarin-Dili, Kuarta (01/03/2017).


Sekretariu Jeral PSD haktuir, PSD fo liberdade tomak ba militante sira atu hili tuir sira nia hakarak, atu sai nudar Prezidente Republika Timor Leste iha eleisaun prezidensial neebe monu iha loron 20 fulan marsu tinan 2017 nee.

Iha fatin hanesan, Prezidente Interino PSD, Benjamin Barreto esplika, PSD laautoriza militante atu fo apoiu ba kaulker kandidatura, se ema balun mak fo uza PSD hodi fo apoiu ba kandidatura balun, konsidera nee illegal. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: