Povu
iha Munisipiu Aileu, hato’o keixa ba Prezidenti Repúblika (PR), Taur Matan
Ruak, kona-ba estrada foun Aileu nian ne’ebé mak dada’uk ne’e seida’uk remata,
maibé laiha kualidade.
Xefi
Suku Fatu Bosa, José da Costa, informa katak, estrada ne’e halo sira
triste, tanba maske seida’uk remata, maibé tuir sira nia haree, estrada ne’e
kualidade laiha.
“Estrada
ami nian ne’e, halo seida’uk remata, ita halai ho motor iha leten hanesan fali
halai iha fatuk leten, ondas-ondas fali. Tanba ne’e, ami husu ba Prezidenti
Repúblika atu alerta Governu hodi tau sira nia tekniku hanesan ADN atu
kontrola projetu ne’e,” informa José da Costa ba PR Taur Matan Ruak, liu husi
dialogu komunitária iha Suku Lahae, Postu Administrativu Aileu Villa, Munisipiu
Aileu, Segunda (18/07).
Nia
hatutan, Governu ida ne’e lakon osan barak ona, buat balu halo di’ak ona, maibé
buat balu halo para fakar osan saugati de’it, hanesan projetu estrada sira
ne’e, kualidade laiha.
Estrada
foun diresaun Aileu Maubise ne’e, konstroe husi kompania internasionál CICO
husi China.
Hatan
ba preokupasaun ne’e, PR Taur Matan Ruak,rekuñese katak, Alkatraun foun estrada
Aileu nian ne’e, ladiak duni.
“Ha’u
diskonfia oit oan, maibé ida ne’e klaru katak, Obras Públika mak tenki tau
matan.Ida ne’e responsabilidade ita nia Governu nian, at sira mak
responsabilija, tanba ida ne’e ita gasta osan, la’os sira (kompñia) fo de’it
mai ita,” dehan Taur Matan Ruak.cos
Jornal
Nacional
Sem comentários:
Enviar um comentário