CNJTL SAI UMA NA’IN BA FORUM JUVENTUDI CPLP

Prezidente Conselho Nasional Juventudi Timor Leste (CNJTL) Maria Davíd Soares Magno informa katak CNJTL sai uma na’in ba Forum Juventudi Comunidae dos Países da Língua Portuguesa (CPLP) ne’ebé sei realiza iha fulan Novembru tinan ida ne’e, hodi komemora mós loron massakre 12 de Novembru.

Maria Magno hatutan katak, forum juventudi nasaun sira membru CPLP ne’e rasik CNJTL sei la la’o mesak, maibé CNJTL sei mahon mós ba organizasaun masa hanesan organizasaun juventudi munisípiu no postu sira.

Nia dehan, iha mós kompozisaun organizasaun masa sia hanesan organizasaun Sagrada Familia, OJETIL, RENETIL, Fitun, União Morte, BPPM, nune’e CNJTL ho esforsu hodi halo prosesu.

Nia esklarese ba públiku katak, esterin komite Tersa (16/6) hala’o ona ofisialmente hodi halo lansamentu ona katak, estabelese ona komisaun organizadora ba eventu forum juventude CPLP.

“Ha’u hateten katak, rezultadu ne’ebé mak atu hetan iha forum juventudi CPLP ne’e mak ita iha ona plataforma hodi submete ba rede komunikasaun ida ne’ebé mak sei forte ho países membru hanesan Angola, São Tome e Príncipe, Cabo Verde, Portugal, Brazil, Gine-Bissau, no mós Guiné-Ekuatorial”, hateten Maria Davíd Soares Magno ba Jornalista sira iha edifísiu CNJTL Farol Dili, Tersa (16/6) liu husi konferensia imprensa.

Nu’udar Timór-ona Prezidenti CNJTL ne’e sente orgulhu, tanba CNJTL iha ona direitu iha 2012 ne’ebé   sai ona membru forum juventudi CPLP.

Nia esplika katak, eventu ne’e rasik sei realiza iha fulan Novembru iha loron 8-12 de Novembru CNJTL halo pakote ida mós hodi komemora loron Juventudi Nasionál iha 12 Novembru, tanba ne’e nu’udar Timóroan tenki orgulhu, apresia, louva katak, mesmu Timor Leste foin independensia iha dekada ida, maibé Timor Leste mós hatudu ba mundu liu-liu ba países CPLP nian.

Nu’udar mehi sai realidade nune’e ho ekipa komisaun forum juventudi CPLP sei esforsu máximu hodi halo ideia rasik para halo diferénsia ho países seluk hodi hamosu Parlamentu Juventudi CPLP no sei luta ba programa ida ne’e iha área sira seluktan.tos

Jornal Nacional