Misaun Observasaun Eleitoral CPLP nian iha Mosambike asiste kontajen votu ne'ebé laloos no prova sira hosi eleitor sira ne'ebé vota dalabarak, "kondisiona negativamente transparénsia no kredibilidade hosi prosesu", haktuir hosi relatóriu ikus ne'ebé maka Lusa hetan asesu.
Haree ba "polémika sira
pré-eleitoral nian" no "deskobrimentu sira" ne'ebé nia
aprezenta, Misaun Observasaun Eleitoral (MOE) hosi Komunidade País sira Lian
Portugés nian (CPLP) konsidera katak eleisaun jerál sira loron 09 Outubru nian
iha Mosambike "hala'o iha ámbitu enkuadramentu deskonfiansa hasoru sistema
eleitorál”.
MOE CPLP, lidera hosi
eis-ministru Negósiu Estranjeiru portugés, João Gomes Cravinho, aponta mós
katak, haree ba polémika sira antes eleitorál, "pontu partida la favoravel
ba kredibilidade hosi prosesu eleitoral".
Entre polémika sira pré-eleitoral
nian, MOE lista kontestasaun ne'ebé eleisaun munisipal sira hamosu, ho
retifikasaun hosi Konsellu Konstitusional (CC) -- ne'ebé funsiona hanesan
tribunál eleitoral -, hosi distribuisaun vitória sira no repetisaun hosi
eleisaun iha munisípiu no sentru votasaun oioin relasiona ho rezultadu sira
ne'ebé hafoin ne'e fó sai hosi Komisaun Nasionál Eleisaun nian.
"Razaun detallu hosi CNE iha
ninia atribuisaun inisiál hosi rezultadu eleitorál sira no hosi CC iha ninia
desizaun sira tuirmai, no mós deskompozisaun detallu hosi númeru eleitorál sira
hosi kada meza iha kada munisípiu, seidauk hatene tomak, hodi lori ba rezultadu
finál sira ne'ebé kloot iha polémika", lee iha relatóriu finál MOE CPLP
nian.
Kona-ba konstatasaun sira iha
votasaun iha loron 09 Outubru, MOE CPLP nian afirma katak rejista ona "iha
meza oioin ne'ebé nia marka prezensa" "kumprimentu la hanesan"
ho saida maka estabelese lejislasaun eleitoral "notavelmente kona-ba
leitura hosi númeru sekuensial hosi buletin votu nia ezisténsia ne’ebé liu
númeru votante ne’ebé rejistadu iha estasaun votasaun;
Observadór eleitorál sira CPLP
nian asiste mós "kazu oioin hosi kontajen erróneu hosi votu sira, maka
hanesan: boletin votu sira ne'ebé dobrada ho forma sobrepozisaun no sura
hanesan válidu, ne'ebé indika katak ema hanesan vota ona dala ida liu", no
mós "votu sanulu resin ho marka idéntika sira, indika katak markasaun iha
buletin votu ne’e halo hosi ema ne’ebé hanesan".
"Neneik demaziadu" iha
kontajen votu sira no prosedimentu oioin hosi prezidente sira sentru votasaun
nian rezulta "iha oras barak hafoin taka laiha rezultadu disponível,
kondisiona negativamente persesaun hosi transparénsia no, tanba ne'e,
kredibilidade hosi prosesu".
Anúnsiu hosi rezultadu finál sira
hosi CNE iha loron 24 Outubru rezulta hosi desizaun maioria hosi nia membru
sira no la halo hosi konsensu "ne'ebé kontribui ba sentimentu inserteza
ida kona-ba konfiabilidade hosi rezultadu sira", destaka MOE CPLP nian,
hodi destaka katak neen husi komisariu nain 13 kontesta CNE nia deliberasaun
final iha deklarasaun votu.
Rekoñese katak agora depende ba
CC hodi iha "liafuan ikus" kona-ba rezultadu eleisaun sira loron 09
Outubru nian, MOE CPLP nian konsidera "katak sei iha serbisu importante
sira ne'ebé sei halo hosi autoridade mosambikanu sira iha parseria ho
reprezentante sira partidu nian no sivíl sira sosiedade, atu rekupera sidadaun
sira-nia konfiansa iha prosesu eleitorál, no ho maneira ida-ne’e hetan
kredibilidade boot liután ba rezultadu eleitorál”.
Ikus liu, entre rekomendasaun
sira seluk, MOE CPLP nian defende katak CNE tenke iha "prejuizu ida ne'ebé
tékniku liu duké polítiku, hodi nune'e bele hadi'a sidadaun sira nia konfiansa
iha órgaun nia neutralidade".
Pelumenus ema na'in 11 mate ona
no na'in 16 seluk hetan tiru dezde loron-kuarta iha provínsia mosambikanu tolu
iha manifestasaun sira ne'ebé dezafia rezultadu eleitorál sira, fó sai ohin
hosi plataforma eleitoral Decide.
Tuir relatóriu ne'ebé fó sai hosi
plataforma akompañamentu eleitoral Decide, ne'ebé hatudu dadus hosi loron rua
ikus ne'e, mate na'in hitu akontese iha provínsia Nampula, iha norte Mosambike
nian, na'in rua iha Zambézia, iha sentru, no na'in rua iha Maputo, iha súl
nasaun nian.
Hosi totál ema na'in 16 ne'ebé
hetan tiru, na'in 10 maka kazu sira ne'ebé rejista iha protestu sira iha
Nampula, na'in tolu iha Zambézia no na'in tolu seluk iha Maputo, haktuir hosi
Organizasaun Naun-Governamentál (ONG) mosambikanu.
Plataforma Decide identifika mós
totál ema na'in 62 ne'ebé detidu iha provínsia Maputo, Manica, Nampula, Tete,
Zambézia, Niassa, Gaza no sidade Maputo.
Mosambike ohin iha loron datoluk hosi faze dahaat greve nian hodi dezafia rezultadu eleitorál sira ne'ebé konvoka hosi kandidatu prezidensiál Venâncio Mondlane, ne'ebé nega vitória hosi Daniel Chapo, ne'ebé hetan apoiu hosi Frente Libertasaun Mosambike (Frelimo, iha poder), ho 70,67% hosi
Tuir CNE, Mondlane hetan fatin daruak, ho 20,32%, maibé nia afirma katak la rekoñese rezultadu sira, ne'ebé presiza nafatin valida no proklama hosi Konsellu Konstitusional, ne'ebé laiha prazu sira ba objetivu ne'e no sei analiza hela litigasaun.
Hafoin protestu sira iha estrada ne'ebé paraliza nasaun iha loron 21, 24 no 25 fulan-Outubru, Mondlane husu dala ida tan ba populasaun sira ba greve jerál ida durante loron hitu, hahú iha loron 31 fulan-Outubru, ho protestu nasionál sira no manifestasaun ida ne'ebé konsentra iha Maputo iha loron-kinta , 7 Novembru, ne'ebé hamosu kaos iha kapitál, ho barikada oioin, sunu pneu sira no polísia tiru no gás lakrimojéniu iha loron tomak hodi habelar ida-ne'e.
Venâncio Mondlane anunsia katak manifestasaun protestu sira sei mantein to'o lia-loos eleitorál estabelese fali.
Notícias ao Minuto| Lusa | Imagem: © Lusa
.png)