Muda STAE ba Orgaun Independente, Babo: La iha Baze Fundamental Lalika Akuza Arbiru

DILI - Planu reprezentante Povu iha uma Fukun Parlamentu Nasional Atu muda Sekretariadu Teknika Administrasaun Eleitoral (STAE), ba orgaun Nasional Eleitoral Independente hodi garante Imparsialidade prosesu eleitoral, kuandu Laiha baze fundamental lalika akuza Arbiru.

Tuir Ministru Estadu, Kordenador Asuntu Administrativu no Ministru Administrasaun Interna Dionisio Babo hatete orgaun STAE orgaun nebe independente ida nebe tutela iha Ministeriu STATAL nia okos.

Sekretariadu tekniku nee tenki iha duni governu ninia okos maibe independente, hau hanoin ketak konfundi karik, hau nunka rona buat nee ita lalika uza fali ita nia logika pensamentu nebe laiha baze fundamental hodi halo kometariu,” dehan Dionisio ba Jornalista Kinta (23/04/2015) iha Salaun STAE Caicoli.

Iha fatin ketak Deputadu bankada PD Virgilio Hornai hatete Parlamentu Nasional hakarak Muda STAE ba orgaun eleitoral nasaional sai orgaun independente, labele iha Estatal nia okos, atu nunee bele garantia imparsialidadae, independensia iha prosesu eleisaun tomak. Informasaun kompletu iha STL Jornal no STL Web, edisaun Sesta (24/4/2015). Timotio Gusmao

Suara Timor Lorosae