DILI –
Tinan-tinan universidade sira neebe mak ejiste iha rai laran kontinua fo
graduasaun ba Diploma nomos Estrata feto no mane rihun ba rihun, maibe ida
neebe sai problema boot mak laiha servisu tanba menus kampo servisu.
Tuir
graduadu Universidade Nasional Timor Lorosae, Fidelis Ferreira, ba STL iha
ninia estudu fatin Tersa (15/12) husu ba governu atu kria kampo servisu barak
iha rai laran, hodi bele fo servisu ba Timor oan sira neebe mak iha ona gelar
hanesan Diploma nomos Estrata tanba durante nee Diploma no strata barak mak sei
abandona.
Tinan-tinan
Timor oan rihun ba rihun mak graduadu hosi ida-ida nia estudu tantu iha rai
laran nomos rai liur maibe problema bot ida ita haoru mak maske iha graduadu
barak hosi area oin-oin maibe kampo servisu menus tebes hodi halo graduadu
barak mak sai dezempregu tanba nee estadu persija kria kampo servisu,” dehan
Fidelis.
Nia
hatutan tanba deit laiha servisu iha Timor oan balu neebe mak matenek no iha
skill neebe diak hakarak ka lakohi, tenke halimar deit iha uma no ikus mai balu
sai fali kondutor no seluk tan.
Nunee
mos Jacelina Fernandes, mos hatete problema ida tan ba graduadu sira neebe mak
lahetan servisu tanba deit laiha esperensia servisu, tanba nee wainhira iha
vaga ruma neebe fo sai hosi institusaun governu graduadu barak mak la pasa iha
selesaun dokumentus.
Hatan
ba perkupasaun sira nee membru deputadu iha uma fukun Parlamentu Nasional,
Manuel Castro, husu ba graduadu sira atu kria rasik servisu ba ida-ida nia an
no labele ejije demais governu atu loke kampo servisu. Informasaun kompletu iha
STL Jornal no STL Web, edisaun, Kuarta (16/12/2015). Thomas
Sanches
Suara Timor Lorosae
Sem comentários:
Enviar um comentário