KAK Tenki Invistiga Konsultan ba Aero Portu Oecusse

DILI - Governu aloka orsamentu ba ZEESM, orsamentu boot liu iha Aero Portu Oecusse, neebe hamosu BOQ loke ba konkursu ho budget neebe baratu, depois implementasaun sira aumenta boot liu, tamba nee KAK tenki invistiga Konsultan neebe halo estudu viabelidade.

Lia hirak nee hatoo husi Vice Prezidente Camara Comercio Industria Timor Leste (CCI-TL) Rui Castro, iha nia knar fatin Bidau, Dili, Segunda (18/01/2016).

ZEESM ninia orsamentu boot nee husi Aero Portu, tuir lolos Parlamentu tenki hare no halo invistigasaun, ba iha konsultan ida neebe halo estudu viabelidade ba iha Aero portu Oecusse neebe hamosu BOQ neebe loke ba konkursu ho bazet neebe baratu, depois  de implementasaun sira aumenta boot tebes, ida nee maka halo ZEESM nee sai osan boot,” hateten Rui.

sira husu ba Parlamentu tenki loke, fo hatene ba KAK halo invistigasaun ba kompania sira neebe halo estudu viabelidade ba Aero Portu Oecusse no ba kompania sira neebe hola parte iha konkursu.

Iha parte seluk Observador Politika Alexandrino da Costa Belo hateten governu loke konkursu kompania ba prozetu ZESSM nee buka sira nia familia deit.

Konaba kestaun nee jornalista tenta atu intevista Prezidente ZESSM, Mari Alkatiri, maibe la konsege tamba tuir informasaun Prezidente ZEESM sibuk ho Prozetu ZEESM iha Oecusse. Informasaun kompletu iha STL Jornal no STL Web, edisaun Tersa (19/1/2016). Joao Anibal

Suara Timor Lorosae