Indonesia kontinua ukun ekonomia Timor-Leste

DILI - Maske Timor Leste kore an ona husi Indonesia no ukun rasik an ona ho nia bandeira ho nia hino Nasional maibe iha parte balun TL sidauk bele ukun liu liu iha sector Ekonomia tanba Indonesia sei uza seitor Ekonomia hodi nafatin ukun Timor. “Agora dadaun ita sidauk ukun rasik ita nia ekonomia tanba ita sei tabele ema seluk liu-liu ita nia lideransa sira mak gosta fiar ema Indonesia tanba husi apespeitu ekonomia ita nia lideransa sira sei fiar ema Indonesia, lideransa sira la hatene katak Indonesia halo hela misaun ida atu ukun ita ho ekonomia  no ita nia kakorok sira kesi hela ita gosta,” emprezariu rai laran Rui Castro ba BT iha nia knar fatin semana kotuk.

Tuir nia katak durante TL hetan indepedensia Indonesia sei uza operasaun bisnis kolonialista iha nasaun foun ne’e tanba Indonesia sei uza dalan ekonomia barak hodi hanehan povu no nasaun TL. “Ida ne’e mak liafuan ida husi sira nia Ministru Ekonomia kolia Walaupun kita lepas dari Negara Timor-Leste tetapi aspek ekonomi kita tetap menjajah” liafaun ne’e mak agora lao hela,” haktuir Rui. Nia dehan durante ne’e Timor-Leste sai vitima ba iha aspektu ekonomia tan Banku Mandiri halo operasaun Binis iha TL maibe laiha Inisiativa hodi apoiu povu sira no pertaminan hatama mina folin tuir sira nia hakarak.

“Mandiri halo hela operasaun bisnis ida operasaun kolonista ida ne’ebe tatoli husi rezimi Indonesia nian iha Timor, agora sira halo laos Mandiri deit maibe pertamina mos imi hare didiak pertamina, pertaminan wainhira mina tama barak nia fo bainhira nia mesak deit nia halimar mina nia folin tuir nia gostu, sira halo hela misaun ida oinsa mak atu provoka situasaun iha Timor oinsa mak sira atu domina ekonomia iha Timor no hodi ukun Timor husi aspeitu ekonomia,” preokupa Rui. Tan ne’e nia dehan  Timor-Leste  tenke loke matan no tenke hatene katak ne’e lalos Timor labele toba beibeik, timoroan  tenke sadar an lasadar an no tenke hatudu ita ukun an, ita ukun an laos ho bandeira deit maibe tenke ukun an ho aspeitu ekonomia, tenke kreativu hader atu lao, se timor la sadar problema ba ita. 

Nia infroma katak aspeitu ekonomia ukun husi Indonesia deskonfia lideransa Timor-Leste rasik mak loke dalan hodi Indonesia  halo hela misaun ida ne’e no TL  nunka sente no TL kontenti tanba emprezariu Indonesia manan projetu  no porsentu balun ba iha lideraransa sira hodi moris kontenti maibe nunka sente. Rui husu Timoroan hotu tenke hamutuk hodi bele dadaan husi aspeitu ekonomia ne’ebé nasaun balun sei okupa hodi Timoroan rasik mak kaer. Alende ne’e, Pascoal Freitas husi universida ida iha Dili ne’ebé lakohi temi nia naran hatete katak Timor-Leste ukun an ona maibe 50% deit tanba nesesidade barak TL sei depende husi rai liur liu-liu Indonesia.

Nia dehan maske Timor-Leste hafahe an ona husi Indonesia maibe seitor Ekonomia no teknologia TL nafatin depende ba sira. Tuir nia katak TL nafatin depende ba Indonesia tanba Politika governu rasik laiha atu dezenvolve seitor ne’ebe importante iha TL. “Ita nia estadu rasik mak lakohi iha politika diak hodi hare , hanesan Sumenti ita depende ba iha rai Liur afinal ita rasik iha sumentu, ita iha natar barak maibe abandona, ita iha to’os barak maibe governu la fo peoridade no laiha limitasaun ba produtu husi rai liur no ita rasik mak oho ita nia an,” katak Pascoal. (BT)

Business Timor - Pedro