Jornal
Nacional, editorial
Tinan
– tinan, governu gasta osan dollar Amerika tokon ba tokon ba projetu sira iha
Munincipiu, postu administrasaun no suku sira iha timor laran tomak, maibe obra
nebe governu halo nee la utiliza masimu husi autoridade lokal sira, pior liu
tan abandona, la uza too at fila fali deit. Fasilidade nebe governu halo nee la
utiliza, hanesan Uma MDGs, sede suku, uma merkadu eh fatin sira ikus mai sai
fali animal sira nia luhan, halo governu gasta osan saugate deit, komunidade
sira la uza.
“Xefi
suku no Administrador sira, projetu tama iha imi nia fatin hanesan halo kampu
joga bola, maibe la uja no abandona hodi husik bibi mak tama fali, ikus mai mak
ami ba hatan. Ita simu hela, simu hela deit projetu, maibe ita laliga tan,
depois ami ba hatan iha KAK no hatan iha ida ne’e no ida ne’eba. Keta haluha
ita nia prosesu konstrusaun Estadu, prosesu konstrusaun institusoens no prosesu
hadia an, tanba ita mak tama iha institusoens nia laran, iha fatin balun halo
tiha sede suku maibe ema nunka ba,” Xanana Gusmão.
Los
duni maun boot, iha municipiu barak mak governu gasta osan bar-barak hodi hadia
fasilidade, kampo tebe bola , Uma MDGs, sede suku maibe laiha aproveitamentu
nebe ikus mai animal sira mak okupa fali. Fitiu nebe komunidade iha mak nee,
governu la prepara fasilidade, komunidade ejiji ida nee ka ida neba, maibe
depois governu esforsu halo tiha fasilidade sira nee fila lakohi aproveita,
husik bandona too at fila fali.
Asves
sosiedade sivil, deputado parlamentu Nasional sira kuandu halo fiskalizasaun
sempre fo sala deit mak governu, dun governu laiha planu, dun kompanhai sira
halo projetu laiha kualidade, maibe lae, governu asves halo tiha fasilidade
sira nee komunidade sira mak la uza too at fila fali tiha deit.
Problema
sira nee akontese asves autoridade lokal sira fase liman, sai tiha anjo,
governu mak sala hela deit, maibe lahe, fasilidade sira nee asves autoridade
lokal sira mak propoin, ejiji governu halo nebe ikus aturodade lokal sira mak
la mobiliza ema hodi uza fasilidade sira nee.
Agora
duvida mak nee se mak sai kulpa? Los duni governu nudar propritariu iha
responsabilidade maibe autoridade lokal mos lalakon responsabilidade. Tan nee
wainhira Komisaun Anti Korupsaun halo investigasaun ba fasilidade nebe governu
harii la aproveita nee, autoridade lokal mos sai kulpa.
“Ha’u
hakarak dehan ba imi hotu katak, hau mak responsabilidade ba buat hotu, maibe
kuandu imi halo lalaos hau mak la ba uluk iha kadeia ne’eba, imi ba uluk mak
hau tuir imi ba mais atu dehan hau ba uluk ne’e deskulpa deit,” Xanana Gusmão.
Los
duni, autoridade lokal nudar liman ain, mata dalan ka teknika kampo nebe prontu
ezekuta oradem governu nian maibe kazu dala barak pelo kontrariu, autoridade
lokal nee sai fali ovintes no tespektadores diak ida.
Nebe
hanoin maun boot Xanana nian nee diak, nudar governu responde ba KAK saida mak
kompetensia governu nian no autordiade lokal mos toma responsabilidade katak
tamba sa la mobiliza komunidade ho aproveita fasilidade sira nebe governu
harii, atu nunee gasta osan mos la saugete, hetan paroveitamentu. *
Jornal
Nacional, editorial
Sem comentários:
Enviar um comentário