DOM BASÍLIO: SENSUS HANESAN LALELOK BA ITA NIA-AN

Jornal Nacional, editorial

Tinan 2015 nee Ministeriu Finansas, dirasaun estatistika halo sensu populasaun Timor Leste, dadus nebe mai husi resultadu sensus nee sei sai nudar base ba governu atu bele deside politika desenvolvimentu nasaun no prosperiedade sisadaun iha pais laran.

Sensus 2015 nudar terseiru sensu nebe governu halo durante tempo ukun rasik an. Sensus dahuluk halao iha tinan 2004 populasaun 924, 642, sensu segundo halao iha 2010 nebe kuaze abitante 1.066.582. no sensu 2015 sei iha prosesu nia laran.

Sensus nee hanesan retratu datoluk hosi abitante Timor-Leste nian, hafoin análiza iha 2004 no 2010 no sei abranje informasaun konaba aspetu sira hanesan dimensaun populasaun, edukasaun, saúde, merkadu serbisu nian, agrikultura, bee no saneamentu, eletrisidade, taxa mortalidade no nível pobreza nian.

“Buat ida sensus ne’e, importante, tanba sensus ne’e sai hanesan lalenok ida ba ita nia nasaun atu ita hatene ita nia-an. Ita nia ema, ita nia rikusoin, hatene ita nia posiblidade,” Dom Basilio.

Tema sensu tinan 2015 mak “ husi povu ba povu, hola parte ba” tamba sensus nee bela hatene kresementu ema nian, kresiementu ekonomia kada famili no hatene nesesidade timoroan nian.

Nunee mos primeiru-ministru Rui Maria de Araújo, apela ona atu ema hotu partisipa iha sensus, ne’ebé permite, hodi subliña, “atu forma ideia ne’ebé presiza karaterístika sira hosi populasaun”. “Partisipa iha sensus ne’e importante. Ida ne’e hanesan dever síviku ida hosi ema hotu no simples tebes”, esplika, hodi dehan katak informasaun ne’e trata ho konfidensialidade.

Los duni sensu umakai nee importante tan nee laiha ezeptu (tampa terkecuali) sidadaun hotu- hotu tantu timor oan no sidadaun estrajeirus nebe hela iha timor hodi fo informasaun ba ekipa sensus konaba saida mak sira iha.

Agora duvida mak nee dadus nebe sidadaun sira fo nee los ka lae? Oinsa garante verdadeiro informasaun no mos nivel erru? sa tan informasaun sira nebe ekipa sensus rekoilla nee segredu.

Governu sei analiza lolos deit ba dadus nebe sidadaun ida idak fo, se fo informasaun nebe lalos mak sei fo impkatu ba resultadu, sei sidadaun hotu fo informasaun ho honestu ka loloos sei ajuda estadu hatuur politika ida nebe los ba desenvolvimentu no prosperiedade sidadaun sira nian.

Laiha duvida resultadu sensus 2015 nee sei iha kresimentu, intermos de abitante, no kresimentu ekonomia kompara ho tinan 2010 no 2014, baseia ba adamentu ka dezemvolvimentu pais nian.

Sidadaun ida nebe fo kontribuisaun ba sensus nee atu bele ajuda governu ka estadu trasa planu, programa no politika diak ba nasaun nudar herio foun ba desenvolvimentu pais joven ida nee. *

Jornal Nacional