KAK Presiza Investiga Administrador Municipiu Baucau

DILI - Reprezentante povu iha Uma Fukun Parlamentu Nasional (PN) husu ba Ministeiru Publiku ho KAK atu halo investigasaun ba Administrador Municipiu Baucau Antonio Agustus Guterres, tamba deskonfia komete iha aktus abuju de poder.

Membru PN husi bankada FRETILIN, Eladio Faculto hatete, Administrador Baucau Antonio Agustus Guterres, neebe deskonfia tenta involve aktus ba abuju de poder, tamba maluk sira husi kompania balu mai aprezenta konaba prosedimentu legais neebe husi aprovijionamentu halo para atu deside ba projetu ida priormente interverensia husi Administrador boot tebes, nunee kompania ida neebe nia hili, nia fo konsiderasaun as hodi la kompri ona lei aprovijionamentu, tamba nee Ministeiru Publik ho KAK presiza halo investigasaun atu bele hatene lolos.

Hau hanoin prezisa hapara  kompania ida neebe mak hetan  konsiderasaun ida neebe husi deit Administrador seim iha asinatura husi membru aprovijionamentu Baucau nian, tan nee presiza Ministeiru Publiku ho KAK bele halo investigasaun atu hatene lolos aktus iregularidade neebe halo iha Baucau,” dehan deputadu Eladio ba jornalista sira iha sala komisaun F, PN, Dili, Tersa (08/09/2015).

Tuir informasaun neebe deputadu Eladio rona, Administrador nee involve asuntu abuju de poder ba dala rua ou tolu ona iha ninia empenyamentu ba servisu. Regras neebe mak aplika I lafo konsidera mos ba maluk sira neebe mak halo avaliasaun, liu-liu ba sira husi prukurament hodi halo avaliasaun ba dokumentus.

Iha fatin hanesan membru PN husi bankada PD, Adriano Joao hatete, rai nee iha OJE tenki jere didiak, ida nee inklui ona iha KKN, tamba ema nee tuir prosesu tender, maibee laliu iha kotuk kotuk fo fali, tamba kolega ou familia eleje fali nia. Informasaun kompletu iha STL Jornal no STL Web, edisaun Kuarta (09/9/2015). Carme Ximenes

Suara Timor Lorosae