Taur: La Muda Pensaun Vitalisia PARPOL Oho Aan

DILI - Pensaun Vitalisia sai preokupasaun sidadaun hotu, tamba nee reprejentante povu iha uma fukun Parlamentu nasional sei muda antes mandatu remata, kuandu lamuda mak Partidu Politiku (PARPOL) sei oho aan kuandu tama iha kampaina parlamentar 2017.

Deklarasaun nee fo sai husi Prezidente Republika Taur Matan Ruak wainhira halao enkontru ho Organizasaun Sosiedade sivil, Rede Seitoral inkliu individuais sira iha salaun Xina Palasiu Prezidensial Nicolao Lobato.

Hau hanaoin no hakarak garantia sei muda lei pensaun vitalisia, se lamuda partidu sira oho aan nee, sei muda mais dala ruma bele tinan oin tamba sira nia mandatu seidauk hotu too iha 2017,” dehan Taur hodi Hatan Preokupasaun Sosiedade sivil Tersa (29/09/2015) durante enkontru.

Nia hatete sidadaun sira bele koalia barak, komesa husi Prezidente Republika, sidadaun sira, estudante mais atu muuda lei nee depende Parlamentu tamba sira maka bele muda, tan nee hotu-hotu hein desizaun husi Parlamentu nian.

Iha fatin hanesan Diretur FONGTIL Arsenio Perreira hatete reve pensaun vitalisia laos husi estudante no sosiedade sivil, deit maibe husi povu hotu tamba lei nee hamosu injustisa ida nebe hamosu husi Reprezentante povu iha uma fukun Parlamentu Nasional. Informasaun kompletu iha STL Jornal no STL Web, edisaun Kuarta (30/9/2015). Timotio Gusmao

Suara Timor Lorosae