Primeiru
sekretáriu-ezekutivu Komunidade Nasaun Lia-Portugés nian (CPLP), Marcolino
Moco, konsidera katak ideia hodi dada organizasaun ba negósiu "ne’e
sala", liu-liu ba "negósiu fo’er sira", mak permite entrada Giné
Ekuatoriál nian.
"Iha
ideia ida ne’ebé ha’u konsidera sala, foti ideia hosi CPLP hodi halo negósiu,
liu-liu negósiu fo’er, hanesan sira ne’e mak fó dalan atu Giné Ekuatoriál tama,
problema moras endémika mak petróleu", tenik Marcolino Moco, iha
entrevista ba ajénsia Lusa.
Kestiona kona-ba oinsá haree organizasaun ne’ebé nia uluk hanesan primeiru sekretáriu-ezekutivu (entre 1996 no 2000), Marcolino Moco konsidera katak "CPLP iha ona, iha no iha sentidu", maibé kritika rumu ne’ebé foti daudaun.
"Mundu osidentál haree de’it ba negósiu no la reziste entrada nasaun ditatoriál sira seluk nian", afirma ida ne’ebé hanesan mós eis-primeiru-ministru angolanu (1992-1996), no refere ba entrada Giné Ekuatoriál nian hanesan membru ho direitu tomak iha CPLP, iha jullu 2014.
Marcolino Moco konsidera katak CPLP "halo sentidu liu-liu iha domíniu kulturál", no defende katak organizasaun tenke "promove debate kona-ba demokrasia ka promove edukasaun".
Ba ida ne’e, eis-sekretáriu-ezekutivu sujere atu kria universidade CPLP da hodi "defende lia-portugés iha kolaborasaun ho lia-lokál sira iha Áfrika no Timor-Leste".
Membru CPLP sira mak Angola, Brazil, Kabuverde, Giné-Bisau, Giné Ekuatoriál, Mosambike, Portugál, Saun Tomé no Prínsipe no Timor-Leste.
SAPO TL ho Lusa - Foto: Gina Araújo @SAPO TL
Kestiona kona-ba oinsá haree organizasaun ne’ebé nia uluk hanesan primeiru sekretáriu-ezekutivu (entre 1996 no 2000), Marcolino Moco konsidera katak "CPLP iha ona, iha no iha sentidu", maibé kritika rumu ne’ebé foti daudaun.
"Mundu osidentál haree de’it ba negósiu no la reziste entrada nasaun ditatoriál sira seluk nian", afirma ida ne’ebé hanesan mós eis-primeiru-ministru angolanu (1992-1996), no refere ba entrada Giné Ekuatoriál nian hanesan membru ho direitu tomak iha CPLP, iha jullu 2014.
Marcolino Moco konsidera katak CPLP "halo sentidu liu-liu iha domíniu kulturál", no defende katak organizasaun tenke "promove debate kona-ba demokrasia ka promove edukasaun".
Ba ida ne’e, eis-sekretáriu-ezekutivu sujere atu kria universidade CPLP da hodi "defende lia-portugés iha kolaborasaun ho lia-lokál sira iha Áfrika no Timor-Leste".
Membru CPLP sira mak Angola, Brazil, Kabuverde, Giné-Bisau, Giné Ekuatoriál, Mosambike, Portugál, Saun Tomé no Prínsipe no Timor-Leste.
SAPO TL ho Lusa - Foto: Gina Araújo @SAPO TL
Sem comentários:
Enviar um comentário