PM timoroan hatete katak seguransa no estabildiade hanesan importante hodi hetan investimentu

Primeiru-ministru timoroan, Rui Maria de Araújo, konsidera katak seguransa ho estabilidade hanesan importante hodi hetan investimentu estranjeiru nebe, iha fatin seluk, hanesan fundamentál ba dezenvolvimentu sustentável.

"Ita tenki fó kondisaun sira nebe reprezenta liu seguransa no ladún iha risku ba ita hotu, inklui ba investidór sira, hodi nune'e ita bele atrai investimentu no nune'e diversifika ita nia ekonomia", nia hatete iha Díli.

Rui Araújo hatete bainhira loke reuniaun ba dala IV hosi ministru sira Administrasaun Interna no Interiór hosi Komunidade Nasaun sira Lian Portugés nian (CPLP) nebe hala'o ohin iha Díli, ho delegasaun sira hosi Estadu membru sira, no nia destaka ona nesesidade ba dalan sira no rekursu sira ba área ne'e iha Timor-Leste.

"Importante tebes hodi hetan no mantén seguransa no estabilidade. Nune'e, ita presiza tanba meiu no rekursu humanu hodi akompaña dezenvolvimentu hosi ita nia sosiedade no ita nia nasaun", nia hatete.

"Ita presiza área seguransa ida nebe kredivel no atu ema hotu hatudu konfiansa. Hanesan fundamentál iha sistema seguransa ida nebe forta, nebe garanti no proteje direitu sira sidadaun nian no iha tempu hanesan permiti dezenvolvimentu sustentável ida", nia hatutan.

Xefe hosi Governu timoroan nian fó hanoin katak seguransa inklui seguransa ba sidadaun sira no ba nasaun, ho kombate ba hahalok ilegál sira no kriminalidade ekonómiku nebe "kontribui ba estabilidade polítiku, ekonómiku no ba populasaun sira".

"Ko'alia kona-bá seguransa, fahe ita nia esperiénsia sira, ida-idak ho nia espesialidade, reflete hamutuk kona-bá dezafiu oioin nebe ita hasoru no nebe lori ita ba sosiedade prósperu ida no dezenvolvidu la'ós de'it oportuno maibé mós importante", nia hatete.

Nune'e, nia insisti iha nesesidade hodi hametin koperasaun luzófonu iha área sira ne'e, liuliu, iha prevensaun no polisiamentu hosi proximidade, protesaun ba natureza no ambiente, jestaun ba krizi sira, investigasaun kriminál no fluksu migratóriu sira, no asuntu sira seluk.

Iha kazu Timor-Leste nian, nia destaka ona susesu hosi programa oioin iha tinan sira ikus ne'e, enaltese apoiu hosi Portugal, liuliu hosi GNR nebe halo parte iha fortalesimentu polísia timoroan nian.

"Ne'e hanesan dezafiu boot ida ba ami nia joven Estadu, dezafiu nebe ami simu ho responsabilidade maibé ida nebe la akontese lalais", nia hatutan.

Nasaun hotu-hotu, la inklui Portugal o Brazil (nebe haruka de'it sira nia embaixadór sira iha Díli) reprezentadu iha nível governamentál iha enkontru nebe akontese iha Díli.

Angola reprezenta hosi sekretáriu Estadu Interiór nian, Eugénio César Laborinho, Cabo VErde reprezenta hosi ministra Administrasaun Interna Marisa Morais no Guiné-Bissau reprezenta hosi sekretáriu Estadu hosi Orden Públiku, Luís Manuel Cabral.

Guiné Ekuatoriál, nebe halo nia estreia iha enkontru ida CPLP nian, reprezenta hosi ministru delegadu Interiór no Korporasaun Lokál sira, Marcelino Okomo, Mosambike reprezenta hosi visi-ministru Interiór, José dos Santos Coimbra, no São Tomé & Prínsipe reprezentadu hosi ministru Administrasaun Internu Arlindo Ramos.

Timor-Leste, nebe hanesan nasaun anfitriaun, reprezentadu hosi ministru Interiór, Longuinhos Monteiro.

Reuniaun hosi Administrasaun Internu hanesan reuniaun boot ida hosi CPLP, ho nasaun ida-idak reprezentadu hosi delegasaun haat (ministeriál, polísia, migrasaun sira, estranjeiru no fronteira sira no protesaun sivil), nebe sai hamutuk partisipante besik na'in 100.

Enkontru loron-segunda nian sei hakotu ho aprovasaun hosi deklarasaun Díli nian.

SAPO TL ho Lusa

Lee mos iha SAPO TL