Alkatiri Delega Sekretaria Halo Audensia Publiku ho PN

DILI - Audensia Publiku entre Reprezentante povu iha uma fukun Parlamentu Nasional (PN) ho Autoridade Reziaun Administrativa Espesial Oecusse Ambeno no Zona Espresial ekonomia Social Merkadu (ZEESM), Prezidente Autoridade Delega ninia sekretaria.

Prezidente Autoridade Reziaun Administrativa Espesial Oecusse  Ambeno no Zona Espresial ekonomia Social Merkadu Mari Alkatiri lamarka Prezensa iha uma fukun PN, hodi halo audensia publiku ho Reprezentante povu maibe delega ninia Sekretaria Administrasaun Finansas Leonia Monteiro hodi halo Audensia ho Deputadu sira.

Deputada Bankada CNRT Albina Marcal kestiona katak audensia publika neebe mak halao ho Autoridade ZEESM laos halao ho sekretaria, tamba atu responsabilidade ba Ejekusaun orsamentu no mos responde politika ba orsamentu neebe mak iha.

ita halo audensia publiku ho Prezidente Zeesm laos sekretaria tamba nee husu atu hare didiak,” dehan Albina Liu husi Audensia Publika  iha Parlamentu Nasional Tersa (17/11/2015) iha Sala Plenaria PN.

Nunee mos Deputadu Bankada Fretilin Osorio Florindo hatete audensia publika neebe halao iha plenaria partisipa husi komisaun barak, koalia konaba ZEESM nee iha estrutura parlamentu halo audensia publiku laos bolu diretur, maibe bolu Ministru, Vice Ministru, Diretur Zeral mos laiha.

Hatan ba preokupasaun nee Sekretaria Administrasaun Finansas Leonia Monteiro hatete iha dekretu lei estatutu ninia laran, sekretaria rezional ninia kategoria hanesan sekretariu estadu kompara ho Membru governu sira. Informasaun kompletu iha STL Jornal no STL Web, edisaun Kuarta (18/11/2015). Timotio Gusmao

Suara Timor Lorosae