Dabate Espesialidade OGE 2016, Governu Husu Tempu Ajusta Proposta 59

DILI - Komisaun Eventual neebe debate Orsamentu Jeral Estadu (OJE) 2016 tama iha loron rua, parte Governu husu Parlamentu Nasional (PN) hodi fo tempu atu nunee bele ajusta proposta husi Parlamentu ba iha lina ministeriais.

Tuir Vice Prezidente PN Aderito Hugo Katak dabate iha loron primeru komisaun Eventual simu proposta neebe mak hatoo husi deputadu, nunee meja simu Proposta 59 hodi Admitida ba Governu, maibe iha proposta 13 maka la adimitida tamba latuir kriteira.

Proposta Adminitada 59 mak halo amandamentu ba governu atu halo diskusaun ba proposta sira nee hodi ajusta ho lina ministerais, tan nee mak loron daruak komisaun Eventual sei iha nivel teknika hodi ajusta  proposta,” dehan Aderito ba Jornalista liu husi Konferensia Imprensa Kuarta (09/12/2015) iha PN.

Nia hatete Loron primeiru Parlamentu rekoila proposta husi deputadu sira no loron rua Komisaun Eventual governu husu atu fo tempu ba sira hodi ajusta proposta 59 ba iha lina ministeriais, nunee tama loron 3 komisaun Eventual bele halo kontinuasaun antes aprova iha nivel komisaun Eventual.

Iha fatin hanesan Xefi Bankada PD Maria Lourdes Bessa katak kria komisaun Eventual partidu Demokratiku lakonkorda, tamba debate nee hakarak debate ida neebe nakloke hodi publiku hotu-hotu bele akompaina.

Nune mos xefi Bankada Frente Mudansa Jose Luis Guterres hatete OJE 2015 sei la responde totalidade espetativa, maibe situasaun neebe iha frente Mundamsa husu ba governu atu bele kumpri ho didikasaun no implementa didiak orsamentu neebe aprezenta iha PN. Informasaun kompletu iha STL Jornal no STL Web, edisaun Kinta (10/12/2015). Timotio Gusmao

Suara Timor Lorosae