Debate Orsamentu Taka Publiku Fo Dalan Ba Korupsaun

DILI - Komisaun Eventual neebe debate proposta Orsamentu Jeral Estadu (2016) iha salaun Ministeriu Negosiu Estranjeiru taka ba publiku, parte sosiedade sivil konsidera sei fo dalan hodi hamosu korupsaun no ulun boot sira fo projetu ba malu.

Tuir Peskijador Lao Hamutuk Juvinal Diaz katak asumsaun komisaun eventual neebe lao hela nee demokrasia fraku teb-tebes, no povu barak mak sei lahetan benifisiu husi rekursu povu nian maibe elite sira mak bele goza.

Komisaun eventual nee fo dalan ba korupsaun tamba laiha ema ida mak hatene saida mak deputadu no governu desidi iha kuartu laran ita la bele konsidera hanesan interese ba povu ninian,” dehan Juvinal ba STL Tersa (15/12/2015) iha nia knar fatin Bebora.

Nia hatete publiku tenki forte hodi ezizi osan povu nian tenki diskuti nakloke labele taka, buat ida neebe mak sosiedade sivil hare husi komisaun eventual liu husi proposta alterasaun lubuk neebe deputadu sira hato mak muda fundu infrastrutura ba fundu autonomia nee kontra konstitusaun.

Hatan ba kestaun nee Portavos Komisaun eventual atual vise prezidente Parlamentu Nasional Aderito Hugo katak apresia teb-tebes soseidade sivil ninia apresiasaun ba servisu komisaun eventual ninian. Informasaun kompletu iha STL Jornal no STL Web, edisaun Kinta (17/12/2015). Timotio Gusmao

Suara Timor Lorosae