Foin sa’e Kreativu, Sei kria Serbisu Ba An rasik No Sei La Depende Ba Governu

Dili, Radio Liberdade_Relasiona ho kompetisaun mundu ohin loron, maske jovem  barak,  remata ona estudu iha nivel  Superior no Eskola sekundaria maibe la hetan  fatin serbisu, nune’e  hamosu impaktu negative ida mak numeru ema la servisu iha Timor- leste aumenta. 

Mateus Da Costa, nudar jovem ne’ebe foin remata estudu iha bangku sekundaria no dadauk sidauk servisu, informa ba Radio liberdade katak,  maske Guvernu haruka  ona  jovem sira ba serbisu iha rai liur maibe  iha Timor Leste rasik, numeru ema laiha servisu kontinua aumenta  tamba estadu la dun tau atensaun  ba joven sira, hodi kria kampu  serbisu iha rai laran.

Ho nune’e Mateus rekomenda ba estadu atu loke kampu de trabalho ba sira nebe mak kbiit laek hanesan fabrika ruma ba joven sira.

“Agora ita independensia ona maibe ita sai atan ba nasaun seluk, joven barak sai ba rai liur tanba laiha kampu de servisu hodi buka serbisu, ida ne’e ladun diak tanba ita hanesan nasaun independente ona, ne’e duni Governu tenke hare opportunidade ida ne’e hodi loke kampu servisu hodi reduz numeru desempregu” tenik da Costa, Sesta Feira 18/12/2015.

Hatan ba  kestaun ne’e Diretor  SEPFOPE, Jacinto Barros Gusmão, informa  SEPFOPE serbisu hamutuk ho sentru treinamentu sira para fo treinamentu no  fo formasaun ba jovem sira hodi aumenta sira nia skill  depois maka tama iha serbisu, tantu iha rai laran no mos serbisu iha rai hanesan iha  Korea no mos Australia.

Diretor afirma liu tan SEPFOPE mos  serbisu hamutuk CCITL  para involve alin sira iha projetu setor privadu sira nian no mos setor publiku liu liu investimentu publiku, projetu sira ne’ebe Governu nian, setor privadu menang,  bele involve jovem sira atu bele serbisu iha ne’eba.

Aleem ida ne’e serbisu mos ho parseria  husi NGO no maluk sira husi ajensia dezenvolvimntu sira seluk iha projetu ruma, bele enkaiza jovem sira atu serbisu iha ne’eba,  no  nafatin oinsa joven sira bele buka moris ba sira nia an rasik  hanesan progrma auto emprego, serbisu ba nia an rasik no halo grupu.

Maske nune’e jovem balun mos  iha inisiativa hodi kria serbisu ba sira an, sira la hein Guvernu atu kria kampu traballu ba sira maibe ho sira nia talentu ne’ebe iha, sira bele hetan rendementu  barak, hanesan Grupu Gembel Art Collection,  sira halibur malu hodi halo serbisu hanesan pinta, toka music no seluktan.

Celestino Freitas, membru husi grupu Gembel Art Collection, informa durante ne’e nia involve –an iha  grupu ne’e, tamba nia hakarak hatudu nia kreatividade oinsa mak nia bele hetan rendementu, ho nune’e liu husi aktividade pinta ne’e, bele dada ema hanesan estrajeiru sira  hodi sosa nia produtu ho nune’e nia bele hetan osan.

Freitas hatutan Atraves husi pintura bele fo motivasaun ba jovem sira nebe mak seidauk hetan servisu, tamba bele loke sira nian hanoin atu bele kontinua fali sira nian estudu ou bele kria servisu ba sira nian aan rasik, liu husi parte oin-oin. 

“karik ba sira ne’ebe mak iha talentu konaba Arte, bele mai halibur hamutuk ho ami iha fatin ida ne’ebe hanaran Gembel Art Collection, maske la hetan buat barak, maibe bele hatene buat balun konaba Arte,” tenik Freitas.

Iha parte seluk sosiedade sivil husi Yayasan Hak, Inocensio Xavier,  observa,  numeru graduasaun tinan-tinan aumenta, tan ne’e, Governu presiza tau atensaun ba kestaun ema laiha servisu, liu-liu ba formandu sira, tanba ne’e fini ba nasaun nian, wainhira la utiliza ho  didiak, bele sai fali ameasa ba nasaun. 

Ho nune’e, Xavier, husu atu halo ajustamentu, planu ministériu sira ne’e ho diak para bele akumula formandu sira iha area ne’ebé sira foti ba.

Inocencio informa liu tan, The Right Man and Right Place agora Ministerio balu karik implementa ona mais balun sedauk.

“ita hanoin katak, ba oin Governu presiza hadia depois bele fo fatin ba ema timor oan sira neebe mak katuas ona, idade tinan 50 ba leten, terseira idade nee, sira reforma, fo fali idade sira kiik, 29, 30 too 40, bele serbisu fali, hodi nune’e nasaun bele lao ba oin diak liu tan,”  tenik Inocencio iha nia kna’ar Fatin.

Hakerek nain :

1. Aliança Rui Nunes

2. Fidelia da Costa Lay

3. Januario Felix Teixeira

4. Adriano Verdial

5. Verónica de O. Ximenes

6. Fernanda Maria

7. Marta da Costa

8. Theodosia dos Reis

Rádio Liberdade Dili