TDD Julga Agente PNTL 2

DILI -Tribunal Distrital Dili halao julgamentu ba kazu ofensas integridade fisika simplest neebe ministeriu publiku akuza agente PNTL nain rua hanesan arguida ba kazu nee.

Liu husi audensia julgamentu, tribunal lee sai akuzasaun husi Ministeriu Publiku katak, iha loron 7 Maiu 2014 mais menus tuku 16:30 lezada Melinda Fatima de Jesus fila husi eskola too iha rotunda igreja Katedral nia oin hasoru malu ho nia kolega Lervia Esmeralda da Graça Gonçalves hase malu iha motor leten iha Estrada, hodi koalia kona ba atu halibur malu, tanba nee arguida husu ba sira atu labele para iha estrada. Lezada Lervia hakfodak no halai tama ba iha kareta let. Tanba nee agente PNTL tranzitu ida siak, nunee lezada para iha estrada ninin.

Arguida Aqueda Colho hakat ba besik ba lezada Lervia hodi basa kona dala ida iha nia ibun. No arguida Ana Maria basa tan lezada Melinda nia hasan wainhira hakat besik ba lezada, hodi halo lezada hetan moras iha nia hasan parte los too mean. Ho hahalok nee arguida nain rua hanesan autor material ba krime ofensas integridade fisika simplest neebe previstu no punidu tuir artigu 145 numeru 1 kodigu penal konjuga ho artigu 30 kodigu penal.

Hatan ba akuzasaun nee arguida Ana Maria deklara katak, akuzasaun nee balun los no balun lalos. Nia parte la hare bainhira nia kolega Aqueda Colho basa lezada Lervia, tanba nia dok husi fatin nee. Maismenus sira nain rua dok malu kala metro sanulu hanesan nee. Informasaun kompletu iha STL jornal no STL Web, edisaun Sabado (12/12/2015). Domingas Gomes

Suara Timor Lorosae