DILI
- Deskonfia Oknum Igreja paroquia balun iha Timor Leste Involve falsifika
dokumentu jogador Naturalizadu, neebe involve iha ekipa Selesaun nasional Timor
Leste kontribui instabilidade iha rai laran.
Jogadores
naturalizadu nain 7 husi Brazileiru neebe mak diskunfia falsifika dokumentus
hodi sai Timor oan, hodi tama iha Ekipa Selesaun Nasional hodi tuir jogu mak
hanesan, Junior Aparecido Guimaro de Sousa, Juliano Mineiro Fernandes, Heberty
Fernandes de Andrade, Celio Ferreira dos Santos, Caio Canedo Correa, Tiago dos
Santos Cunha no ikus liu mak Gustavo Silva Concecao.
Tuir
deputadu Bankada CNRT Cesar Valente katak parte igreja atu garantia sidadaun
sira nia fiar no estadu hotu aumenta moral sarani nian iha Timor, mais viola
regra igreja mos sidadaun se mak fo krime tamba kontribui ba instabilidade.
Ita
koalia kona ba lei no viola regras igreja mos sidadaun se mak fo sasan nee
krime tamba kontribui ba instabilidade nasaun nian, nee duni ita iha ona akordu
ho Santa Se kona ba kestaun igreja ho estadu hodi hare krime neebe parte igreja
Komete,” dehan Cesar ba Jornalista, Kuarta (06/01/2016) iha PN.
Nia
hatete oknum Paroquia neebe mak halo involve falsifika dokumentu nee tenki
hatan tuir krime neebe mak iha no tenki investiga hodi hare didiak, tamba oras
nee reliziaun mos gosta hatun malu nunee halo Timor oan balun hatun sira nia
moral hanesan sarani.
Iha
fatin hanesan Deputadu Manuel Castro hatete kazu nee iha grupu ida maka hakarak
halo nunee responsabilidade ba sira, tamba nee presiza investigsaun neebe mak
klean no husik investiga nee lao.
Iha
fatin ketak Inspektor Inspeksaun Geral Estadu (IGE), Fransisco de Carvalho
hatete IGE iha ninia investigasaun ba jogador naturalijadu nain hitu neebe mak
haruka direita husi Primeiru Ministru, deskobre iha pesoal husi Parokia balun mak
fasilita dokumentus ba jogador naturalijadu nain 7. Informasaun kompletu iha
STL Jornal no STL Web, edisaun Kinta (7/1/2016). Timotio Gusmao
Suara
Timor Lorosae
Sem comentários:
Enviar um comentário