Ministru
hosi Relasaun Esteriór sira angolanu nian, Georges Chikoti, afirma ona katak
"laiha motivu ba alarme" iha ameasa sira ba seguransa estranjeiru
sira nian iha nasaun ne'e, nia asumi katak alerta ne'ebé fó sai hosi embaixada
norte-amerikanu iha fulan ne'e hanesan importunu.
Hahú
loron 08 Janeiru maka sidadaun sira hosi Estadus Unidus Amérika nian hetan
konsellu hodi evita fatin tolu iha Luanda, hafoin informasaun kona-bá
"potensiál ameasa seguransa nian" iha kapitál angolanu, haktuir hosi
alerta ida hosi Departamentu Estadu norte-amerikanu nian ne'ebé konfirmadu
loron balun hosi Reinu Unidu ne'ebé alerta mós nia sidadaun sira.
"Iha
duni informasaun balun ne'ebé sai hosi Angola, informa ba embaixada sira ne'e,
liuliu norte-amerikanum hodi halo alterasaun. Ne'e akontese ona iha inísiu
fulan-Dezembru liubá, maibé perigu ne'e laiha ona. Maibé governu amerikanu fó
sai de'it nota ne'e ba nia ema sira iha ne'e iha inísiu fulan ne'e. Informasaun
ida hanesan maibé ho atrazu balun", hatete hosi Georges Chikoti, iha
loron-kinta ne'e, ba rádiu públiku angolanu nian.
Xefe
diplomasia angolanu hatete mós, hafoin ko'alia ho Ministériu Interiór, katak
alerta sira mosu iha fulan-Dezembru hetan hela investigasaun no "agora
daudaun laiha perigu ruma".
"Informasaun
ne'ebé fó sai hosi embaixada norte-amerikanu halo ho atrazu relasionadu ho
tempu ne'ebé fó sai informasaun nian. Laiha motivu sira ba alarme", aponta
hosi Georges Chikoti hodi garanti katak situasaun jerál maka
"estabilidade".
Emitidu
no publikadu iha pájina internet hosi unidade seguransa diplomátiku nian
(Bureau of Diplomatic Security) hosi Departamentu Estadu nian, bele le katak
alerta ne'e mosu hosi informasaun ida ne'ebé simu iha embaixada iha Luanda
maibé la konkretiza informasaun kona-bá ameasa.
Alerta
sei ativu to'o loron 08 Fevereiru no sidadaun norte-amerikanu sira iha Luanda
akonselladu ona, "hanesan dalan prekausaun nian", evita prezensa sira
iha Belas Shopping, Ulengo Comercial Center ho Hotel Baía (iha sentru sidade
nian).
Iha
informasaun hanesan, sidadaun norte-amerikanu sira tenki aumenta mós nível
alerta pesoál, evita eventu boot sira no fatin sira konsentrasaun nian iha
Luanda, hanesan mós revizaun ba planu sira seguransa ema ida-idak nian.
SAPO TL ho
Lusa
Sem comentários:
Enviar um comentário