Veto OGE 2016, PN Sei Analiza ho Kalma, FRETILIN Konsidera Interese Politika

DILI - Prezidente Parlamentu Nasional Vicente Guterres informa komonikasaun Prezidente Republika Taur Matan Ruak, ba Deputadu sira relasiona ho Orsamentu neebe Prezidente Veto hodi haruka hikas ba parlamentu atu hadia.

Tuir Vicente katak halo komonikasaun ofisial mensazen husi parezidente Republika ba PN kona ba Veto Orsamentu Zeral Estadu, no oras nee fo tempu ba bankada Parlamentar hodi halo sira nia pozisaun.

Veto Orsamentu nee kompetensia Prezidente Republika neebe iha demokrasia normal ita labele lori buat nee hanesan mundu seluk nian nee ezersisiu normal iha demokrasia, Bankada sira nia pozisaun katak sei analiza ho kalma,” dehan Vicente ba Jornalista, Segunda (04/01/2016) iha PN.

Nia hatete Bankada sira sei analiza ho kalma, resepeitu no sereidade nudar orgaun soberania, sei analiza nunee iha loron 8 Janeiru 2016, PN sei halo plenaria esktra ordinariu atu bele fo sai kada bankada parlamentar ninian no mos governu.

Nia hatete Timor Leste iha tiha ona soberania politika mais Timor Leste nia Integridade teritotrial seidauk iha, tamba nee Timor oan hotu hamutuk no labele falta nain ida maske individualmente no partidu politiku ONG no Povu tomak tenki hamutuk hodi hetan fronteira maritima tuir direitu Internasional ho lina media.

Iha fatin hanesan xefi Bankada Fretilin Aniceto Guterres hatete kompetensia konstitusaun neebe Prezidente Republika Veta nia uza duni ninia kompetensia, maibe konstitusaun mos fo dalan kuandu Prezidente Republika halo veta politik, karik Parlamentu konfirma dentru loron 8 Prezidente Republika laiha dalan seluk tenki promulga.

Hatan kona ba Prezidente Veto Orsamentu iha Zona Ekonomia Espesial Merkadu Sosial, Projeitu tasi Mane no Fundu Infrastrutura, Aniceto hatete kestaun politika obsaun politika nee depende ba governu husi bloku koligasaun. Informasaun kompletu iha STL Jornal no STL Web, edisaun Tersa (5/1/2016). Timotio Gusmao

Suara Timor Lorosae