IHA LANSAMENTU KANAL TELEVIZAUN ETO-TELCO, GOVERNU DEKLARA TV-KABEL ILEGAL

Governu Timor Leste, liu husi Ministeriu Obras Publiku, Transporte no Komunikasoens (MOPTC), Autoridade Nacional Comunicasões (ANC) deklara katak, TV-kabel ne’ebe durante ne’e halo operasuan komersial iha Timor Leste la’op ilegalmente no la hetan lisensa ofisial husi ANC.

Dau-daun ne’e ANC kontrola hela emprezarius ne’ebe loke hela frekuensia ilegais, inklui TV-kabel.

“Hau hanoin ANC ho ninia ekipa loron –loron sei hafuhu ba kolegas emprezarius ne’ebe sei ho hanoin pilataria loke frekuensia ilegais halo komunikasaun ilegal, ne’e klaru ona ne’ebe hau hanoin hau surprendidu sei bainhira knais sira hotu-hotu ne’ebe hamutuk 27 husi rai liur ne’e halo hotu tiha ona ho hanoin origem ida ne’e hau konglatula tebes dalan ida legal ne’ebe presija tenke halo duni para Timor Leste ne’e labele konsiente ho ema ne’ebe mai investe maibe ho hanoin mesak la diak,” afirma Vise Ministru MOPTK, Inacio Moreira, iha nia diskursu wainhira halo lansamentu ba kanal televizaun ETO-Telco iha Hotel Timor, Tersa kalan (23/2/2016).

Inacio Moreira hateten, emprezarius balun ne’ebe loke frekuensia ilegais tenke submete ba regulamentasoens ria ida nian, maske itermus de Timor Leste nian, regulamentais lubuk ida mak tenke hadia no tenke halo duni.

“Ami tenke hahu halo ho lei para iha areas de komunikasaun hotu-hotu ba investores ne’ebe investe iha areas telekomunikasaun presizamente tenke reguladu i ida ne’e maka ami hakarak hatoo,” afirma Inacio Moreira.

ETO-TV tenke kobre aktividades TL

Iha biban serimonia lansamentu ne’e, Vise Ministru MOPTK, Inacio Moreira husu ba Direitor ezekutivu ETO- TV, Nilton Gosmão dos Santos, atu halo ezersisiu oituan hodi kobre hotu atividades iha Timor larna tomak.

Inacio Moreira hateten, se area seluk kanal terlevizaun ETO- Telco la bele halo kobertura, mas pelumenus tenke abranze ba tyo’o area Edukasaun, tanba Edukasaun ne’e pilar ida importante tebes ba dezenvolvimentu nasional.

SEJD Orgulho ho ETO-Telco

Biban ne’e, Sekretariu Estadu Juventude no Desportu Leovirgildo Hornay, espresa nia sentimentu orgulho ba lansamentu kanal televizaun ETO-Telco ne’ebe promete sei halo transmisaun direita ba jogus futebola Liga Amadora.

“Hau apresia no parabens ba Presidenti Direktor Nilton Gusmão ne’ebe maka uja kanel ida ne’e, liu-liu ba iha programa ida ne’ebe maka atu halo tansmisaun direita ba jogus futebola Liga Amadora,” hateten SEJD Leovigildo.

Nia hatutan, importante tebes tanba ema hotu hotu iha uma hakarak fim da semana asiste futebola no asiste sira nia klubu joga iha kampo laran. Tanba ne’e, ho kanal televizaun ETO-Telco bele fasilita adepturs no komunidade ne’ebe la iha tempu oportunu asisite iha kampo laran bele asisite liu husi transmisaun direta iha kanal televizaun ETO-Telco.

Nia hatutan, kanal televizaun ETO-Telco importante tebes no posivel boot bele promove kultura jogus Timor nian ba Asia Pasifik ne’ebe hetan asesu ba kanal ET-Telco.

“Hau hanoin hodi SEDJ nia naran hakarak apresia no hato hau nia parabens, espera katak kanal televizaun ETO-Telco bele realiza nia kompremisiu hodi tulun haboot futebola iha rai laran,” hateten Leovigildo Hornay. lj3

Jornal Nacional