DILI – Negosiasaun Fronteira Martima entre Timor
Leste ho Australia tenke hahu fila fali maske Australia kontinua ulun toos,
maibe TL kontinua mantein pozisaun hodi ejiji halo negosiasaun foun no oras nee
governu TL hili ona Xanana Gusmao sai Xefi Delegasaun TL hodi halo negosiasaun
ho Australia.
Tuir eis Prezidente
Republika, Jose Ramos Horta, iha sala redasaun STL Tersa (9/2/2016) wainhira
halo vijita hatete governu la hili sala ema tanba nee nia konfia tebes Xanana
Gusmao nia matenek atu koalia ho Australia.
Ita sei la manan ho
aimanas, derok masin atu buka tau ba sira nia kanek maibe ita buka atu manan ho
bani ben no hau rona dehan Maun Xanana mak kaer pasta hodi halo mediasaun ho
Asutralia nee, hau fiar no hau konfia ho nia matenek neebe mak iha ita sei hetan
buat neebe mak ita nian no ita nia hakarak,” dehan Horta.
Nia hatutan iha rai
barak mak too oras nee seidauk rejolve problema fronteira liu-liu fronteira
martima hanesan mos ho TL tanba nee nia hatete ho konfiansa tomak neebe mak fo
ba Xanana Gusmao, fiar katak sei iha akordu ida entre TL ho Australia konaba
fronteira Martima.
Iha fatin ketak
tuir Diretor Luta Hamutuk, Mericio Akara, katak konaba kapasidade laiha duvidas
tanba tuir nia hare so lideransa tuan sira nee mak sei bele rejolve problema fronteira
maritime, maibe kestaun mak Australia hakarak ga lae atu kolia ho TL. Informasaun
kompletu iha STL Jornal no STL Web, edisaun Kinta (11/2/2016). Thomas
Sanches
Suara Timor Lorosae
Sem comentários:
Enviar um comentário