Governu
xinés hatete iha loron-segunda ne'e katak "sei la simu provokasaun sira
iha nia odamatan oin", relasionadu ho manobra militár sira ne'ebé halo
hamutuk entre Estadus Unidus ho Koreia-Súl, ne'ebé karik sei dura to'o
fulan-Abril nia rohan.
"Koreia-Norte
reaje ona ho enerjia [hasoru manobra sira] no Xina mós preokupadu
daudaun", destaka ona porta-vós hosi Ministériu Negósiu Estranjeiru xinés
nian, Hong Lei.
Hong
fó hanoin katak Xina "tuir jeografia besik ba península koreanu" no
hametin katak Pekin "la konkorda maka'as ho asaun ne'ebé hamosu problema
sira".
"Ami
apela ba parte sira atu mantén kalma no kontensaun, labele provoka malu ka
aumenta tensaun", nia hatete.
Bainhira
hatán kona-bá reasaun hosi Koreia-Norte, ne'ebé ameasa ona ho "atake
preventivu sira", relasionadu ho manobra militár sira entre Seul ho
Washington, Hong hatete de'it katak "Península koreanu hanesan kompleksu
no komplikadu".
Kona-bá
kastigu sira ne'ebé foin lalais aprova hosi ONU hasoru Koreia-Norte, porta-vós
xinés hatete katak nia objetivu maka hodi evita ensaiu foun sira ho misil
balístiku no nukleár sira no "la afeta povu [norte-koreanu], no mós nia
moris di'ak ka nesesidade humanitáriu sira.
"Ita
hotu tenki halo iha prátiku rezolusaun, maibé labele ignora sira nia aspetu
balun", nia afirma ona hodi hametin katak Xina - parseiru komersiál
prinsipál Koreia-Norte nian - sei fiar nafatin no kumpri medida sira ne'ebé
aprova hosi ONU.
Hong
hatete mós preokupasaun hosi Pekin ho posibilidade hosi EUA atu instala sistema
antimisil THAAD iha península koreanu.
Eskudu
"sei aumenta tensaun rejionál sira, sei afeta ekilíbriu iha rejiaun no sei
invade seguransa estratéjiku hosi Rúsia no Xina", nia hatete.
SAPO
TL ho Lusa
Sem comentários:
Enviar um comentário