Divorsiu CNRT-PD Laiha Obra Politika ba Jerasaun Foun

DILI - Koligasaun partidu CNRT, PD no Frente Mudansa neebe kria iha 2012 too ikus divorsiu iha dalan klaran, hatudu laiha obra politika neebe diak ba jerasaun foun iha futuru.

Tuir Deputadu Bankada Partidu Demokratiku Virgilio Hornay Katak publiku akompaina konjuntua politika neebe hamosu postura politika foun, maske lamenta maibe natural akontese iha prosesu politika.

Divorsiu CNRTho PD ita bele konsidera laiha obra politika neebe ita rai hela ba jerasaun foun tamba ita sira nee sei katuas no reforma iha parte politiku ita tenki rai hela presidente diak ba rejasaun tuir mai,” dehan Virgilio ba STL Kinta (28/04/2016) iha Parlamentu Nasional.

Nia hatete aliserse politka neebe mak fundador nasaun nee hari hodi konsilida pas no estabilidade sai hanesan ezemplar ida ba foin sae sira, nee mak importante maibe PD laiha objesaun ba mudansa neebe lao.

Iha fatin hanesan Deputadu Bankada CNRT atual Vice Prezidente PN Aderito Hugo hatete karta PD nian katak simu ona desizaun husi partidu CNRT, tamba nee atu halo korespondensia ba malu servisu lalao, tan nee laiha ona dialogu.

Nunee mos Sekretariu Jeral Partidu Frente Mudansa Jorge Teme hatete Sestu Governu Konstitusional neebe harii iha loron 13 Fevereiru 2015, kuandu forma Sestu Governu Konstitusional laiha akortdu, tamba nee hasai PD laos ho surat nee sala boot. Informasaun kompletu iha STL Jornal no STL Web, edisaun Sesta (29/4/2016). Timotio Gusmao

Suara Timor Lorosae