SEKSU LIVRE KONTRIBUI BA MORAS HIV-SIDA AUMENTA

Program Manager Church World service-Timor-Leste (CWS-TL), Odete Peloy hateten, moras HIV- SIDA numeru aumenta ba bebeik iha rai laran, tanba joven sira halo relasaun seksual livre.

“Ha’u hanoin kazu HIV tuir Ministreriu Saude sae ona ba  552 no ema 69 mak mate ona. Ida ne’e ita hotu- hotu nia preokupasaun  tanba ita nia joven agora halo seksual livre ne’e maka’as tebes. agora fila fali ba ita hotu -hotu hanesan familia, inan – aman hotu- hotu nia kontribuisaun eduka nia oan ne’e importante no ita haree katak feto balun isin rua laiha responsabilidade husi inan-aman entaun halo aboltus ho labarik sira tanba liu- husi free sex  nia konsekuensia mak HIV trasmite, isin rua wanmhira sira la prontu sira bele oho labarik nomos sira bele kona moras hanesan HIV,”Odete Peloy dehan ba JN- Diário iha nia servisu fatin Nu’u laran  Bairo dos Grilhos Dili, Sabado (2/4/2016).

Odete afirma, CWS-TL durante ne’e fo formasaun HIV-SIDA ba Falintil-Forsa De Fesa Timor – Leste (F-FDTTL) atu  halo prevensaun ba moras HIV ne’e, fahe inforrmasun HIV- SIDA ba eskola balun iha Dili laran ho objetivu atu eduka joven sira kontrola sira nian aan.

Entertantu Prezidenti Komisaun F Parlamentu Nasional, ne’ebe trata  asuntu Saude, Edukasaun Desportu, Virgilio Hornai  hatete, numeru moras HIV- SIDA kada tinan aumenta tanba relasiona ho ema nia hahalok ne’ebe halo relasaun seksual livre.

“Ha’u hanoin numeru HIV -SIDA aumenta tanba buat ida ne’e relasun ho seksual livre buat ne’e akontese iha nasaun barak  tanba problema sosiais ou problema desemprego bele lori ema ba fati prostitusaun, balun ba buka osan. Entaun problema ida ne’e ita tenke rezolve hadia kondisaun vida populasaun nian atu ema barak labele tun ba vida halo relasaun seksual livre,”dehan nia.

Atu redus numeru HIV- SIDA iha rai laran, maka ba oin, nia husu joven sira labele halo relasaun seksual livre, presiza kontrola an, no inan-aman sira presiza tau atensaun ba oan sira.car

Jornal Nacional