Taur Husu Veteranus TL, Aprende Referensia Veteranus Australia

DILI - Veteranus Timor Leste hamutuk nain 29, sei aranka ba Australia hodi partisipa seremonia ANZAC DAY, tamba nee Presidente Republika Taur Matan Ruak husu ba Veteranus Timor Leste, atu aprende referensia husi veteranus Australia.

Seremonia ANZAC DAY ka loron Veteranus Austalia nee sei halao iha 25 Abril, no veternus Timor Leste sira sei aranka ba Australia iha loron 23.

Jorge Alves hanesan Sekertariu Taskforce ba Asuntu Interse Nasional hatete, sira mai iha Palasiu Presidente Republika Nicolau Lobato, atu hato deit komprementa ba Presidente Republika, I Presidente Republika husu atu veteranus neebe ba tuir seremonia ANZAC DAY buka aprenda no foti referensia husi veteran Autsralia sira.

Ami mai kumprementa Presidente Republika, Presidente Republika nia mensajen ba ami maka nee hanesan ba tuir seremonia ANZAC DAY ita mos buka aprenda ba malu, saida maka ita bele foti referensia husi veteran Autsralia sira,” dehan Jorge ba jornalista sira, hafoin remata enkontru ho PR Taur Matan Ruak, Iha Palasiu PR Nicolau Lobato, Sesta (15/04/2016).

Veteranus Timor Leste tuir Jorge katak, iha esperansa boot atu veteranus rai rua la husik malu. Tamba nee Veteranus Timor Leste sei foti referensia neebe maka iha Australia I sira mos sei foti buat ruma ka referensia neebe maka iha Timor Leste.

Iha parte seluk membru PN husi bankada CNRT deputadu Jacinto Viegas hatete, veteranus Timor Leste ba partisipa seremonia ANZAC DAY nee importante, tamba bele hametin relasaun neebe maka diak entre veteranus iha rai rua nee. Informasaun kompletu iha STL Jornal no STL Web, edisaun Sabado (16/4/2016). Carme Ximenes

Suara Timor Lorosae