Grupu
ida ho profesór portugés na'in 27 sei to'o Timor-Leste iha inísiu fulan-Jullu
iha ámbitu hosi projetu Formar Mais, inisiativu prinsipal ida hosi apoiu
portugés nian ba formasaun kontínua hosi profesór timoroan sira nian, informa
hosi institutu Camões.
Tuir
informa hosi Camões - Instituto Koperasaun no Lian nian iha nia pájina, grupu
inklui profesór na'in 11 ne'ebé sei kaer knaar iha komponente hosi Siklu
datoluk iha Ensinu Báziku no na'in 15 iha disiplina oioin hosi Ensinu
Sekundáriu Jeral timoroan nian.
Dosente
sira, ne'ebé simu ona iha loron 22 Juñu liubá hosi prezidente no hosi
visi-prezidente Institutu Camões, Ana Paula Laborinho no Gonçalo Teles Gomes,
partisipa ona iha asaun sira formasaun nian iha Universidade Aveiro,
komplementadu ho sesaun sira ne'ebé hala'o iha Camões.
Tuir
esplika hosi instituisaun portugeza ne'e, projetu Formar Mais "mosu hosi
parseria ida entre Ministériu Edukasaun Timor-Leste nian", liuhosi
Insitutu Nasional ba Formasaun Dosente no Profisional sira Edukasaun nian
(Infordepe), Ministériu Negósiu Estranjeiru sira Portugal nian liuhosi Camões
no Universidade Aveiro.
"Atu
kontinua ba projetu anterior sira hosi koperasaun iha área ensinu, liuliu ba
Projetu Formasaun Inisial no Kontínua Profesór sira nian (PFICP), hakotu ona
iha fulan-Dezembru 2014, Projetu Formar Mais nia objetivu maka hametin sistema
edukativu Timor-Leste nian liuhosi apoiu ba setór formasaun akadémiku no
profisional dosente nian no profisional sira hosi sistema edukativu",
esplika.
SAPO
TL ho Lusa
Sem comentários:
Enviar um comentário