Komandante
Jeral Polisia Nasionál Timor Leste (PNTL), Komisáriu Julio Hornay informa
katak, PNTL kaptura ona autor balun ne’ebé hatama kareta ho motor ilegal liu
husi fronteira terrestre.
Julio
Hornay dehan, kareta motor sira ne’ebé tama illegal husi fronteira ne’e, la’os
tama livre, tanba iha ne’eba seguransa fronteira iha.
“Mas
tama hanesan subar-subar ne’e iha, maibé ita kaptura ona lubuk ida, ita lori ba
prosesu, tanba ne’e mak foin dada’uk ita halo seminariu internasionál ida iha
CCD, atu konvida peritu sira hanesan, Polri, Timor, Alfândega, para ita hato’o
informasaun ba malu, oinsa ita bele jere kontrolu fronteira ne’e ho di’ak,”
katak Julio Hornay ba jornalista sira iha Palácio Prezidensial Aitarak Laran
Dili, Kinta (09/06).
Nia
hatutan, servisu fronteira ninian, entre nasaun rua ne’e, tenke koopera ba malu
hodi bele asegura fronteira ne’e, para ema labele tama subar husi Indonesia mai
Timor Leste (TL), no husi Timor Leste mós labele tama subar ba Indonesia.
Julio
Hornay haktuir, sira hasoru malu ho Prezidenti Repúblika (PR), Taur Matan Ruak
hodi informa kona-ba situasaun iha Timor laran tomak.
“Mensalmente
ami relata situasaun iha territóriu Timor laran, kona-ba seguransa nian,” katak
Julio Hornay.
Komisáriu
PNTL ne’e dehan, iha sorumutu ne’e, PR Taur Matan Ruak husu ba Polisia atu
mantein nafatin sira nia servisu, patrulhamentu no halo prevensaun ho di’ak.cos
Jornal
Nacional
Sem comentários:
Enviar um comentário