DILI
– Tuir orariu neebe marka ona, loron 3 fulan Junu, dadersan Tribunal
kontinua ho julgamentu ba arguida Emilia Pires no Madalena Hanjam, hodi rona
deklarasaun peritus husi parte Ministeriu Publiku nian.
Tuir
tribunal katak, antes nee Tribunal simu ona relatoriu neebe mai husi peritus
parte Ministeriu Publiku no defesa konaba kualidade no presu kama nian.
Relatoriu nee tribunal haree ona maibe hamosu konfuzaun, tanba peritus husi
parte MP nian relata katak, iha sira nia inspesaun nee sira so bele halo ba
kompania seluk iha nasaun Australia no nasaun sira seluk maibe ba kompania Macs
Metal Crafts sira labele asesu. Iha parte seluk peritus husi defesa nian relata
katak sira nia relatoriu husi kompania Macs Metal Crafts nian iha.
Ho
razaun sira nee maka hamosu konfuzaun ba tribunal, tan nee tribunal marka ona
loron ohin (03/06) hodi rona deklarasaun husi peritus parte rua nian.
Tuir
akuzasaun husi Ministeriu Publiku neebe lee sai iha tribunal katak, iha loron 9
de Fevereiru de 2011 arguida Madalena Soares haruka karta VMS/PM/11/50 ba
Primeiru Ministru atu husu fundu audisional ida Ministeriu Saude ba alojamentu
no alimentasaun mediku Cubanu sira. (600,000 USD) unidade kardiolojia no
hematolojia (400,000 USD) no kama ortopedika atus ida (100) (400.000 USD).
Primeiru Ministru despaisa oinsa pedidu nee haruka ba Ministeriu Finansas.
Iha
loron 6 de Fevereiru 2011, liu husi ofisiu No. 203/GPM/II/2011, arguida Emilia
Pires simu informasaun husi despaisu Primeiru Ministru nian. Iha loron 29 de
Marsu 2011 arguida Emilia Pires liu husi ofisiu 104/GMF/III/2011 fo pareser
kona-ba pedidu audisional orsamentu formula husi arguida Madalena Soares, fo
hanoin atu aprova pedidu liu husi fundu rezerva kontinjensia. Iha loron 29 de
Marsu de 2011, liu husi ofisiu 0312/GPM/2011, Primeiru Ministru aprova kedas
pedidu hamutuk USD 1.300.000,00, iha rejerva kontijensia nian atu selu
alojamentu no alimentasaun mediku Cubanu sira nian, unidade sira kardiolojia no
hematolojia no akizasaun kama ortopedika atus ida (100). Informasaun kompletu
iha STL Jornal no STL Web, edisaun Sesta (3/6/2016). Domingas Gomes
Suara
Timor Lorosae
Sem comentários:
Enviar um comentário