DILI
(ANTIL) – Ministru Negósiu Estranjeiru no Kooperasaun, Hernâni Coelho
hatete, Timor-Leste nia destinu adere ba ASEAN sei termina hosi simeira xefe
estadu no governu ASEAN molok tinan ne’e ramata.
“Ita
hein de’it desizaun finál, tanba rekomendasaun hosi grupu traballu ne’e halo
hotu ona no intrega ona ba Ministru Negósiu Estranjeiru sira halo análiza”,
Hernâni dehan kestaun ne’e ba jornalista sira iha Palásiu Prezidénsia
Repúblika, Bairu-Pité, Dili, Segunda (29/8), hafoin inkontru ho Xefe Estadu,
Taur Matan Ruak.
Rekomendassun
ne’e hato’o hosi Asian Comunity Council Working Group ne’ebé involve
péritu sira hosi Canadá, Singapura no Malázia ne’ebé mai halo levantamentu
kona-ba Timor-Leste nia preparasaun.
Grupu
Traballu ne’e mai halo levantamentu kona-ba aspeitu sira hanesan Polítika,
Defeza, Ekonomia no Sósiu Kulturál ninian.
“Ida
ne’e sira halo hotu ona, ami iha biban barak maka sira mai hasoru ami para halo
klarifikasaun ba pontus balun relasiona ho kestaun sira iha leten no kestaun
ne’e foin lalais ko’alia hikas fali iha Asian Ministerial Meeting iha Laos
ne’ebé hasai mós iha sira nia joint comunity“, nia informa.
Diplomata
ne’e dehan direjente sira hosi nasaun ASEAN deside, TL bele partisipa atividade
sira hotu ne’ebé maka relasiona ho dezenvolvimentu kapasidade iha ASEAN. Dezde
tinan 2005 no 2011, TL hatama pedidu ofisiál atu adere ba ASEAN. (jornalista:
Xisto Freitas; editora: Rita Almeida)
Foto:
Hernâni Coelho
Sem comentários:
Enviar um comentário