Governu
aloka ona orsamentu dolár milloens 2,6 ba eleisaun estrutura foun poder lokál
iha Timor-Leste, ne’ebé sei hala’o hosi 15-setembru to’o 22-outubru.
Tuir
informasaun hosi Sekretariadu Tékniku Administrasaun Eleitorál (STAE) orsamentu
ba eleisaun Asembleia Aldeia, Konsellu Suku ho Lia-na’in (autoridade
tradisionál) konfirma hosi visi-ministru Administrasaun Estatál, Tomás Cabral.
“Ministru Administrasaun Estatál no primeiru ministru kompromete ona hodi hala’o eleisaun tuir lei suku no kalendáriu ne’ebé defini ona”, tenik Tomás Cabral, durante enkontru kordenasaun ho responsável eleitorál.
Iha sorumutu refere, halo parte mos prezidente Komisaun Nasionál ba Eleisaun (CNE), Alcino Barris ho ninia komisáriu sira, diretór jerál desentralizasaun administrative, Abílio José Caetano ho kordenadór munisipiu STAE, no seluk tan.
Kestaun maka eleisaun ba responsável lokál sira iha suku 442 Timor-Leste nian, ne’ebé marka prosesu hosi diskusaun polítika internu naruk ida kona-ba organizasaun poder lokál nian.
Lei define katak suku hothotu, forma hosi estrutura haat, Konsellu Suku, xefe Suku, Asembleia Aldeia no Xefe Aldeia.
Konsellu Suku, hanesan orgaun deliberativu suku nian kompostu hosi xefe suku no xefe aldeia, delegada no delegadu ida iha kada aldeia, reprezentante ida nomós reprezentante juventude ida iha kada aldeia, inklui lia-na’in ida.
Xefe Suku maka orgaun ezekutivu suku nian, eleitu ba mandatu tinan hitu, no sei renova dalaida de’it.
Asembleia Aldeia forma hosi sidadaun hothotu ho tinan 16 ba leten, no bele asumi kargu hanesan xefe Aldeia.
Tuir Governu fó sai ba zeia ba proposta hosi Ministériu Administrasaun Estatál, prosesu eleitorál lokál hahú iha 15-setembru, ho reuniaun Konsellu Suku “kona-ba konstituisaun hosi meza eleitorál Suku hothotu no ba mos resesaun kandidatura ba Xefe Suku”.
Reuniaun sira hosi Asembleia Aldeia ba eleisaun delegadu Aldeia ba Konsellu Suku, nune’e mos hosi Xefe Aldeia ho Xefe Suku nian sei hala’o iha 30-setembru.
Iha 1-outubru Konsellu Suku hothotu sei halibur ba apuramentu ikus hosi rezultadu eleisaun Xefe Suku.
Karik presija segunda volta ba eleisaun Xefe Suku, sei hala’o iha 7-outubru, ho apuramentu ikus hosi rezultadu maka iha 18-outubru.
Ikus liu, reuniaun Konsellu Suku ba eleisaun hosi Lia-na’in ho reprezentante juventude iha Konsellu suku, marka ba 22-outubru.
SAPO TL ho Lusa
“Ministru Administrasaun Estatál no primeiru ministru kompromete ona hodi hala’o eleisaun tuir lei suku no kalendáriu ne’ebé defini ona”, tenik Tomás Cabral, durante enkontru kordenasaun ho responsável eleitorál.
Iha sorumutu refere, halo parte mos prezidente Komisaun Nasionál ba Eleisaun (CNE), Alcino Barris ho ninia komisáriu sira, diretór jerál desentralizasaun administrative, Abílio José Caetano ho kordenadór munisipiu STAE, no seluk tan.
Kestaun maka eleisaun ba responsável lokál sira iha suku 442 Timor-Leste nian, ne’ebé marka prosesu hosi diskusaun polítika internu naruk ida kona-ba organizasaun poder lokál nian.
Lei define katak suku hothotu, forma hosi estrutura haat, Konsellu Suku, xefe Suku, Asembleia Aldeia no Xefe Aldeia.
Konsellu Suku, hanesan orgaun deliberativu suku nian kompostu hosi xefe suku no xefe aldeia, delegada no delegadu ida iha kada aldeia, reprezentante ida nomós reprezentante juventude ida iha kada aldeia, inklui lia-na’in ida.
Xefe Suku maka orgaun ezekutivu suku nian, eleitu ba mandatu tinan hitu, no sei renova dalaida de’it.
Asembleia Aldeia forma hosi sidadaun hothotu ho tinan 16 ba leten, no bele asumi kargu hanesan xefe Aldeia.
Tuir Governu fó sai ba zeia ba proposta hosi Ministériu Administrasaun Estatál, prosesu eleitorál lokál hahú iha 15-setembru, ho reuniaun Konsellu Suku “kona-ba konstituisaun hosi meza eleitorál Suku hothotu no ba mos resesaun kandidatura ba Xefe Suku”.
Reuniaun sira hosi Asembleia Aldeia ba eleisaun delegadu Aldeia ba Konsellu Suku, nune’e mos hosi Xefe Aldeia ho Xefe Suku nian sei hala’o iha 30-setembru.
Iha 1-outubru Konsellu Suku hothotu sei halibur ba apuramentu ikus hosi rezultadu eleisaun Xefe Suku.
Karik presija segunda volta ba eleisaun Xefe Suku, sei hala’o iha 7-outubru, ho apuramentu ikus hosi rezultadu maka iha 18-outubru.
Ikus liu, reuniaun Konsellu Suku ba eleisaun hosi Lia-na’in ho reprezentante juventude iha Konsellu suku, marka ba 22-outubru.
SAPO TL ho Lusa
Sem comentários:
Enviar um comentário