DILI,
(ANTIL) – Dosente Sosiál Politíku Universidadade Nasionál Timor-Leste
(UNTL) Camilo Ximenes observa, planu hotu ne’ebé ohin loron governu iha dala
barak la tuir nesisidade povu nian, tanba dala ruma governu lakonsege difini
planu ne’e hahu hosi siklu ida ne’ebé.
“Ita
nia povo husu ikan governo fó fali Ular,” Camilo Ximenes argumenta ba ANTIL iha
fakuldade Siénsia Sosial UNTL, Kaikoli, foin lalais ne’e.
Camilo
dehan, ohin loron VI governo implementa ona processo desenvolvimento
sustentavel, maibé ida ne’ebé importante mak atu halo dezenvolvimento
sustentavél ita presiza define planu dezenvovimento la’o oinsa.
Tuir
Camilo se koalia kona-ba dezenvolvimentu presiza hatene atu hahú hosi ne’ebé ?
uza modelu top-down ka botton-up.
Ohin
loron ne’e, Camilo hatete dezenvolvimentu iha kapital Dili dala ruma la tuir
povu nia hakarak. Exemplu povu sei halerik ba bee-mos no estrada, maibé harii
uluk fali ponte Komoro III.
Nune’e
nia husu atu atu ba futuru bainhira governu halo dezenvolvmentu haree ba
prioridade no nesisidade la’ós povu husu ikan governu fó fali ular.
Ho
nune’e Camilo konsidera politika harii ponte Komoro III ne’e la responde ba
ezijensia povu nian.
“Se
hakarak harii ponte Comoro nusa la hanoin uluk mak ponte Taibesi tanba ponte
Taibesi mak harii pelumenus fasilita netik labarik ki’ik sira ba eskola
bainhira tempu udan”, Camilo fó hanoin.
Razaun
governu harii ponte Komoro III atu evita engravamentu rute Aeroportu Nicolau
Lobato liga kapital Dili.
Mota
Taibesi oras ne’e dadaun iha de’it pasadeira hahú hosi tempu okupasaun
Indonezia to’o ohin loron. Movimentu populasaun ne’ebé utiliza rute ne’e mak
Taibesi Becora. (jornalista: Manuel Pinto; editor: Gantry Meilana)
Sem comentários:
Enviar um comentário