LPV Hein Lori Ba PR Promulga

DILI – Lei pensaun vitalisia neebe maka Parlamentu Nasional (PN) altera ona, hein Komisaun Eventual pensaun Vitalisia halo redasaun final, hafoin lori ba Prezidente Republika halo promulgasaun.

Lei pensaun vitalisia neebe uluk deputadu no membru Governu sira servisu durante fulan 42 bele simu ona, maibe agora lae tenke kompleta tinan 5. Ba eis deputadu no eis membru Governu neebe maka servisu durante mandatu tinan lima, simu pensaun 60%, mandate rua 75% no mandate tolu 90%, maibe ba eis Prezidente 100% husi salariu baziku.

Nunee mos ba regalias hanesan importasaun mos kua, pasaporte dilpomatika ba deputadu sira rasik deit no labarik kiik diza oitu anus hasai. Inklui mos deputadu sira moras ka mate servisu lato sinku anus pasiensia simu reintegrasaun no konta fulan neebe nia servisu.

Hanesan mos konaba tratamentu saude gratuitu ba deputadu enjersisiu iha nee nia iha direitu, maibe sai ona nia laiha direitu. Enkuantu Lei pensaun vitalisia neebe maka hetan redusaun husi Parlamentu Nasional nee iha artigu 38.

Prezidente Parlamentu Nasional Aderito Hugo da Costa hateten, lei nee agora komisaun eventual pensaun vitalisia Prepara redasaun final hotu, maka foin haruka ba Prezidente Republika promulga.

Lei nee agora Iha komisaun eventual pensaun vitalisia nia liman, agora sira sei halo hela redusaun final, depois de ida nee maka ami foin lori ba Prezidente Republika halo promulgasaun,” dehan Aderito ba jornalista sira, iha PN, Dili, Segunda (16/01/2017).

Iha fatin hanesan Xefi bankada Frente Mudansa Jose Luis Guterres hatete, Frente Mudansa vota afavour ba lei nee, tanba hanoin lei nee diak, no konta preokupsaun sosidade sivil inklui komunidade sira neebe maka hakarak justisa social. Informasaun kompletu iha STL Jornal no STL Web, edisaun Tersa (17/1/2017). Carme Ximenes

Suara Timor Lorosae