DILI,
(TATOLI) – Brigadeiru Jenerál FALINTIL-Forsa Defeza Timor-Leste (F-FDTL),
Filomeno Paixão hateten posibilidade tropa kontratadu sira bele tama kuadru
permanente hodi troka sira ne’ebé atu reforma.
Maibé,
kritéria ba kuadru permenente ne’e rigorozu. Katak, ofisiál sira tenke ba ho
lisensiatura no sarjentu sira mínimu tenke ba ho diploma kursu vokasionál
durante tinan rua.
Filomeno
ko’alia asuntu ne’e relasiona ho tropa F-FDTL besik na’in 500 ne’ebé iha tinan
hirak tuir mai sei pasa ba vida sivíl tanba kontratu ramata ona.
Tuir
lei forsa defeza ninian, durasaun tempu ba kontratadu durante tinan hitu (hahú
hosi primeiru rekrutamentu iha tinan 2009).
Filomeno
esplika bainhira la tau estatutu kontratadu, aban bainrua tropas ne’e katuas
hotu de’it ona.
“Sé
hotu-hotu ba kuadru permanente, ami só bele iha tropa 3600. Entaun, tropa 3600
ne’e la kle’ur hela katuas de’it. Laiha ona labarik foun tama. Entaun,
pelumenus um terço ba iha kuadru permanente no dois terços ba
rotativu”, nia dehan kestaun ne’e ba jornalista sira iha Palásiu Prezidente
Nicolau Lobato, Bairu-Pité, Dili, kuarta ne’e.
Brigadeiru
garante katak kontratadu sira ne’e sei la halo problema bainhira pasa ba vida
sivíl tanba durante ne’e sira (tropas kontratadu) la’ós aprende iha área
espesialidade de’it maibé aprende mós edukasaun sívika, disiplina no aprende
ona buat barak iha transmisaun komunikasaun nomós komputadór.
“Ami
hanoin katak bainhira sira pasa ba vida sivíl, sira fila ho perísia (kualidade
peritu) ka pelumenus sira la’ós hatene tiru malu de’it maibé aprende enjinaria
no sai hanesan rekursu ba ministériu no kompañia sira”, Filomeno tenik.
Jornalista:
Xisto Freitas | Editora: Rita Almeida
Foto:
Brigadeiru Jenerál FALINTIL-Forsa Defeza Timor-Leste (F-FDTL), Filomeno Paixão.
Imajen Mídia Palásiu PR.
Sem comentários:
Enviar um comentário