Governu timoroan aprova Orsamentu Retifikativu ba 2017

Governu timoroan aprova ona, iha loron-kuarta ne'e, iha Konsellu Ministru sira, Orsamentu Retifikativu ba tinan 2017 ne'ebé kalkula gastu total sira tinan ne'e ba dolar biliaun 1,6, no ne'ebé agora sei haruka ba Parlamentu Nasional hodi halo debate no aprovasaun.

Tuir refere hosi ezekutivu iha komunikadu, dokumentu ne'e halo ho baze hosi "polítika foun no ba nesesidade hodi hatán ba estrutura orgániku hosi Governu Konstitusional dahitu".

Hakarak atu hametin lalais "kumprimentu hosi kompromisu sira ne'ebé asumi ona, (…) hadi'a formulasaun no ezekusaun hosi polítika públiku sira no (…) hametin planu dezenvolvimentu nian iha prazu naruk" hosi nasaun.

"Objetivu hosi alterasaun ba despeza hosi ezekutivu maka hanesan mós parte fundamental ida hosi ekuasaun", refere hosi ezekutivu ne'ebé konfirma katak proposta sei entrega ba Parlamentu Nasional iha loron-kinta.

Primeiru-ministru timoroan, Mari Alkatiri, hatete ona iha loron-sábadu ba Lusa, iha Perth, katak Orsamentu Retifikativu aumenta konta públiku anual sira hosi biliaun 1,34 ba biliaun 1,66.

Tuir komunikadu ne'ebé fó sai iha loron-kuarta, reseita total sira hosi Estadu iha tinan ne'e - petrolíferu ho la'ós petrolíferu - aumenta ba dolar biliaun 1,87.

Durante enkontru loron-kuarta ne'e, Konsellu Ministru sira analiza mós alterasaun ba testu hosi Programa Governu nian, ne'ebé hetan ona rejeisaun iha Parlamentu Nasional iha fulan-Outubru. Lei timoroan determina katak Governu tuun bainhira hetan fali xumbu ba textu.

Governu esplika katak mudansa sira akontese "iha kestaun espesífiku sira no detalle sira, identifika hosi ekipa Unidade Planeamentu nian, Monitorizasaun ho Avaliasaun ne'ebé maka elabora hela dokumentu ho diresaun hosi ministru sira iha Prezidénsia Konsellu Ministru sira nian, Adriano do Nascimento no hosi Planu no Finansa nian, Rui Gomes.

Kontinua katak, hanesan dokumentu ida ne'ebé maka orienta hosi Planu Estratéjiku Dezenvolvimentu nian (PED) no hosi Objetivu sira Dezenvolvimentu Sustentável nian, "hodi favorese polítika diversifikasaun ekonomia nian hodi fó independénsia finanseiru hosi reseita petrolíferu sira".

Aponta "vizaun inkluzivu ida, hosi defeza, justisa no promosaun ba prosperidade, hatudu iha dokumentu ida ho rigor no detalle", ne'ebé, tuir ezekutivu, "sei permiti ba Governu hodi hatán hasoru preokupasaun sira ne'ebé deputadu sira husu durante apresiasaun dahuluk, iha fulan liubá, iha Parlamentu Nasional".

Ezekutivu esplika katak hakarak aprezenta programa ba Parlamentu "durante tinan ne'e".

Konsellu Ministru sira aprova mós lei orgániku hosi Governu dahitu, dokumentu ida ne'ebé primeiru-ministru aprezenta no "defini estrutura hosi ezekutivu no distribuisaun hosi kompeténsia sira hosi ministériu oioin no sekretáriu sira Estadu nian".

Governu esplika katak mudansa sira hasoru estrutura hosi Governu daneen hatak "fó liután efikásia ba rekursu públiku sira no valoriza rekursu ema sira nian iha prosesu modernizasaun" iha instituisaun públiku sira.

Iha estrutura foun, laiha kardu sira hosi ministru kordenador sira, "ne'ebé nia atribuisaun hosi kordenasaun fila ba primeiru-ministru", apoia hosi ministru foun sira ne'ebé integra iha estrutura hosi Prezidénsia Konsellu Ministru sira nian, "ne'ebé liuhosi atribuisaun espesífiku sira iha área sira hanesan seguransa Nasional, Definisaun ba Fronteira sira no Governasaun".

Estrutura halakon Ministériu Planeamentu ho Investimentu Estratéjiku, ne'ebé uluk kaer hosi Xanana Gusmão, "fó kuaze hosi nia atribuisaun ba Ministériu foun Dezenvolvimentu ho Reforma Institusional nian", ne'ebé maka kaer hosi Mari Alkatiri.

Planeamentu Orsamental agora kaer tomak hosi Ministériu Planu no Finansa, no área balun hetan autonomia, hanesan kazu hosi Sekretaria Estadu foun hosi Veteranu sira nian, ne'ebé pasa ba dependénsia diretu hosi primeiru-ministru, "hatudu relevánsia ne'ebé Governu fó ba Kombatente sira Libertasaun Nasional nian", esplika hosi ezekutivu.

Juventude mós, agora asosiadu ho Traballu, depende diretu ba primeiru-ministru no harii ona Sekretaria Estadu ba Desportu no Promosaun hosi Alta Kompetisaun.

SAPO TL ho Lusa