“Laran
taridu politika estadu muda tiha fatin istoria sai fali ema nia kultura, triste
no laran taridu hari fali tan sentru kultura Indonesia”, Hugo Fernandes
Centro
Nasional Chega! servisu hamutuk ho Asosiasaun HAK, AcBit, AJAR, Asosiasaun
Vitima no Konselho Veteranus Antigo Kombatente Municipio Dili, organiza atividade
ba komemorasaun loron invasaun military Indonesia mai Timor-Leste ne’ebe
akontese iha Loron 7 Dezembru 1975.
Direitor
Executivu CNC, Hugo ‘Nahabere’ Fernandes ba TAFARA.TL esplika katak tuir
mandatu CNC nian katak tenke komemora loron historiku Timor nian, ho nune’e CNC
servisu tuir knaar no responsabilidade ne’ebe maka fo, hodi organiza ida ne’e
ba premeiravez iha porto dili (Ponte kais), maske iha tempu uluk mai deit kari
ai funan depois hotu ona.
Hugo
Fernandes mos hatutan katak Dili iha fatin historiku ne’ebe barak, liu hosi
komemorasaun ida ne’e, atu hanoin fila fali konaba istoria pasadu ne’ebe mak
povu labele haluha. Reflesaun ohin loron ne’e mai hosi Asosiasaun Vitima, hosi
eiz kombatentes sira, mai hosi Premeiru Ministru nia reprezentante no mos mai
hosi sasin sira ne’ebe mak loke fila fali istoria lolos, liu-liu ba lider sira
ne’ebe agora karik dalaruma hakotu tiha an hosi istoria pasadu, hodi hanoin no
refleta iha sira nia lalaok politika lor-loron maibe mos ba jerasaun foun sira,
atu komprende konaba espiritu sakrifisiu, solidaridade ho espritu de
determinasaun ba Timor nia ukun rasik an.
Hugo
Fernandes mos esplika katak iha Dili laran fatin historiku liu 60. Fatin
historiku refere CNC rejistu ona no halo ona enkontru ho linha ministerial
hotu, hodi hahu ona ho lansamentu sitiu historiku iha Dili.
“Importante
liu mak labele sobu ona, labele distrui no mantein nia orijinalidade. Fatin
balun ita nia laran moras la halimar tanba depois sobu tiha, halo lakon tiha
depois mosu fali buat seluk. Laran taridu politika estadu muda tiha fatin
istoria sai fali ema nia kultura, triste no laran taridu hari fali tan sentru
kultura Indonésia nian”,Hateten Hugo.
Iha
tempu hanesan Ministru de Estadu e Minsitro de Saude, Dr. Rui Maria Araujo iha
deskursu hateten katak loron 7 de Dezembru estadu muda oituan nia karakter ba
loron memoria, loron atu povu hotu hanoin eventu ida importante ne’ebe marka
istoria Timor-Leste nian. Anteriormente loron ida ne’e babain selebra hanesan
loron herois, maibe loron herois muda fali ba dia 31 de Dezembru, atu konnesedi
ho loron ne’ebe saudozo Prezidente Nicolau Lobato mate iha kombate.
“Loron
ida memoria hosi pontu de vista governu nian, loron ida ne’ebe Timor oan hotu
presiza utiliza hanesan oportunidade, atu hanoin hikas fali sakrifisiu hotu
ne’ebe Timor oan hotu halo atu ohin Timor-Leste bele sai independente”, esplika
Rui Araujo.
Eiz
Primeiru Ministru iha VI Governu ne’e mos sente kontente ba CNC tanba iha
inisiativa hodi organiza, halibur hamutuk iha fatin ne’ebe simboliku tebes atu
komemora loron ida ohin. Fatin ida ne’e marka istoria, hosi sorin ida brutalidade
hosi invasor sira, hosi sorin seluk jenorijidade ita nia as’wain sira, atu
entrega sira nia an tomak, defende prinsipiu no defende kauza.
Tema
ba loron komemorasaun loron Invasaun ba dala 42 maka “Hosi Ita nia Sakrifisiu,
Ita Marka Istoria Pasadu Ita nian” ne’ebe mak foti hosi poema saudozu Francisco
Borja da Costa nian.
Tuir
observasaun hosi TAFARA.TL marka prezensa hosi Vice Prezidente Parlamentu
Nasional, Meta Malik, Membru Governu maibe laiha marka prezensa hosi membru
Parlamentu Nasional sira hosi opozisaun. Hetan partisipasaun mos hosi ativista
direitu humanus, estudante no sosiadade sivil sira, familia vitima, sasin ba
invasaun 7 Dezembru no komunidade em jeral.
Zevonia
Vieira | Tafara.TL | 07.12.2017
Foto:
Hugo Fernandes, direitor CNC | Zevonia Vieira
Sem comentários:
Enviar um comentário