Alkatiri: Sesta-Sesta Ba Munisipiu Laos Halo Kampania

DILI – Primeiru Ministru Mari Alkatiri hateten, hanesan Xefi Governu, Sesta-Sesta ba Munisipiu laos halo kampania, maibe hato programa VII Governu Konstitusional nian neebe AMP rejeita iha Parlamentu Nasional, ba povu.

“Hau ba Sesta Sesta nee hau ba hanesn Primeiru Ministru, nee laos kampania hau hanesan Primeiru Ministru depende programa VII Governu nian, neebe AMP sira rejeita iha PN hodi ba hatoo ba povu,” dehan PM Mari ba jornalista sira, bainhira remata vizita eskola 28 Novembru, Dili, Segunda (05/02/2018).

Entretantu responde konaba data eleisaun antisipada Xefi Governu hateten, konaba data eleisaun Xefi Governu sei ladehan ba publika, tanba nee kompetensia Prezidente Republika nian.

Iha parte ketak Xefi bankada CNRT Arao Noe hateten membru governu barak uja fasilidade governu iha Segunda to Sesta ba halao reniaun politika.

Nia dehan, konvida funsionariu publika sira atu rona kampania politika nee tuir lolos labele, tanba nee PDHJ presiza hare asuntu ida nee laos deit iha kampania, maibe tenke hahu agora ona para prevene situasaun.

Entretantu PDHJ Silveiro Pinto hateten, PDHJ sei latoleransia ba partidu sira neebe maka uja patermonio Estadu, no uja labarik sira nudar instrument politiku sira nian, no mos ba funsinariu publika sira neebe maka partisipa. 

Carme Ximenes/Maria Lay | Suara Timor Lorosae