Komandante Policia Nasional Timor
Leste (PNTL) Munisípiu Dili Superintendente Xefe Pedro Belo hateten, ejistensia
Konsellu Polisiamentu Komunitaria (KPK) atu kontrola joven sira hodi evita
problema iha suku laran.
”Tomada de posse ne´e hanesan
reforsa deit sira nia servisu maibe antes ne´e susesu ida ne´ebe mak halo ona
ba bebonuk. Hau hanesan komandante Munisípiu Dili hato´o agradesimentu boot
tebe-tebes ba ita nia membru KPK sira tanba durante sira servisu maka´as no
durante ne´e iha nunka rona tuda no asaltu malu iha fatin ne’e, Pedro Belo,
informa asuntu ne´ebe jornalista sira iha Suku Bebonuk, Postu Administrativu
Dom Aleixo, Munisípiu Dili Kinta-Feira (23/08/2018) hafoin fo tomada de
posse ba membru KPK.
Pedro esplika, hato´o
agradesimentu boot tebe-tebes ba autoridade lokais sira bebonuk nian no
joventude bebonuk niant tanba kontribui ba estabilidade iha suku laran.
KPK ne´ebe mak monta iha suku
sira iha dili laran sira servisu hamutuk ho instituisaun hotu hotu no mos
parseiru hotu hotu no durante ne´e problema ne´e menus ona maske iha fatin
balun sei kontinua provoka malu.
Iha hanesan Xefe Suku Bebonuk
hanesan mos Xefe KPK Serafin Masedo, afirma, estabelisimentu KPK iha atu
kontrola diak liu tan komunidade sira liu liu joven sira iha suku laran.
“Ita bo’ot sira hatene katak ohin
joven, inan aman sira prontu atu sai membru KPK atu kontribui ba estabilidade
iha suku ida ne´e. Membru KPK mak sempre fo exemplu ba komunidade tomak para
hatudu katak KPK ne´e ema ida ne´ebe neutru la haree kor oi-oin”, dehan nia.
Membru KPK hamutuk 80 resin iha
kooperasaun servisu diak ho komunidade hodi kontribui ba estabilidade, ho ida
ne’e espera bele hametin diak liu tan kooperasaun refere. Aes
GMN TV | Grupo Média Nacional
Sem comentários:
Enviar um comentário