KPMD Desloka Membru Polisia ba Simiteriu Dili Laran

Dili - Komandu Polisia Munisipiu Dili (KPMD), simu ona diretiva husi komandu jeral hodi desloka pesoal polisia ba iha simeteriu sira iha area Dili laran.

Tuir Segundu komandante PNTL Munisipiu Dili, Superintendente Assistente Polisia, Euclids Belo katak KPMD sei tau pesoal ba simiteriu neebe tama ba area juridiku munisipiu Dili nia, tuir movimentu publiku.

"Ami sei lahalo diskriminasaun katak simiteriu boot deit mak tau seguransa makas liu maibe ami sei tau iha simiteriu hotu, e simeteriu neebe mak naton ami tau pesoal naton, simiteriu neebe movimnetu boot ami tau seguransa barak,” dehan Euclides ba Jornalista iha nia knar fatin KPMD Caicoli Dili, Tersa (30/10/2018).

Nia haktuir, purtantu simiteriu Santa Cruz nee sei tau barak liu tanba nee simiteriu centru ba Kapital Dili nia, e mos simiteriu Bekuse.

Enkuantu nia informa katak, simiteriu Cacaulidun sei halo dalan uniku tanba dalan ba simitriu refere klot, nunee komandu polisia munisipiu Dili sei implementa dalan uniku iha ba simiteriu Cacaulidu.

Iha sorin seluk Komunidade Caicoli Armando Soares hateten, loron finan loron neebe importante ba ema religaun katolika, liu-liu ba Timor neebe senpre kada tinan selebra loron finadu iha dia (02/11). 

Notisia Kompleitu lee iha Jornal STL, iha edisaun Kuarta (30102018).

Lucia Ximenes | Suara Timor Lorosae