TDD Julga Kazu Oho Aurelia

Dili - Tribunal Distrital Dili, julga ona kazu oho Aurelia iha Munisipiu Likisa, kazu nee akontese iha Maubara, oho vitima Aurelia Maria de Jesus.

Tuir faktus neebe iha antes nee, akontese iha 19 fulan Maio 2018, iha aldeia Raime, suku Vatuvou, postu administrativu Maubara.

Vitima ho nia ona mane naran Sebastiao hela iha uma, no vitima tur hela iha hadak leten uma oin, derpenti vitima nia oan rona lian ida hosi liur katalk“ai hau mate ona”

Vitima nia oan mane mos halai sai, hare arguidu Jose Goncalves naran bolu (maususu) kaer hela katana ida iha liman ta hela vitima iha ulun dala rua,

Bain hira hare vitima monu, sasin hakilara dehan “Ai maususu ta ama.” Hare tiha ida nee arguidu mos halai ho katana duni tuir sasin atu oho, no tuir dalan, sasin hakilar ba vizinu sira dehan “Jose maususu ta ama mate ona. ”

Bain hira duni latoman arguidu fila fali ba vitima neebe monu latan hela, arguidu foti tan tudik sona tan iha hirus matan,  sona iha liman halo kuak kuak, kakorok too vitima hakotu is iha fatin.

Arguidu nia hahalok vitima nia vida laida rajaun ruma, maibe deskonfia deit vitima kaer ai kulit at (buan).

Tanba nee Ministeiru Publiku akuja ho krime omesidu agravadu, neebe nia modura penal tinan 8 to tinan 20.

Hatan ba akuzasaun nee, arguidu deklara katak, faktus loos hotu.

Arguidu deklara tan, rajaun seluk tanba iha momentu nee, hau nia inan mate latan hela iha uma laran, vitima nia oan sira nia hakarak atu foti hau nia inan nia mate isin, ba tau iha uma lisan vitima sira nian, maibe tanba familia rua lakonkorda hodi vitima nia oan sobu rahun ami nia uma.

Rona tiha nee, Tribunal adia ba loron seluk.

Audensia julgamentu nee, sei preside hosi Juis Kolektivu, Ministeriu Publiku reprejenta husi Prokurador Hipolito Santa, no arguidu hetan asistensia legal husi Defensor Publiku. 

Notisia kompletu lee iha jornal STL edisaun Segunda (26/11/2018). 

Terezinha De Deus | Suara Timor Lorosae