PR Lú Olo: Konstituisaun La Hatete Sidadaun Obriga PR Rezigna An

Tempotimor (Dili) -- Prezidente Repúblika Francisco Guterres Lu Olo deklara katak, nia sai PR tanba hetan konfiansa husi povu, la’os tanba grupu ida mak hili nia, no Konstituisaun RDTL mós la hatete katak sidadaun sira bele ezije PR atu rezigna an.

Deklarasaun PR Lú Olo ne’e relasiona ho planu asaun pasifiku husi grupu Rezistensia Nasionál Defende Justisa no Konstituisaun RDTL (RNDJ-KRDTL) ne’ebé lidera husi Ángela Freitas ho objetivu atu hatuun Prezidente Republika husi ninia kargu.

"Konstituisaun la hatete katak sidadaun sira ba ezije ka obriga fali prezidente par rezigna an fali husi Prezidente Repúblika (PR), konstituisaun la hatete, tanba PR ne'e povu mak hili, la'ós grupu ida mak hili," dehan PR Lú Olo hafoin misa ba aniversáriu Falintil ba dala 45, iha Igreja Motael, Kuarta (19/08).

Tan ne’e, Lú Olo husu ba Angela atu tau an hanesan sidadaun hodi tuir konstituisaun. "Liberdade no demokrásia ne'e ba ema hotu par atu halo, maibé tenke la'o tuir dalan konstituisaun nian," xefe estadu ne'e dehan.

Lee mós iha Tempo Timor:

Padre Ilídio Husu Membru F-FDTLSai Bibi-Atan Di'ak