Iha loron-sesta ne'e, Nova
Zelándia rejista vítima mortal dahuluk ne'ebé maka halo hosi koronavírus foun
liutiha fulan tolu resin, anunsia hosi Ministériu Saúde neozelandés.
Vítima, ne'ebé mate iha
loron-sesta ne'e iha hospital, maka hanesan "mane ida iha tinan 50
resin" ne'ebé halo parte hosi família responsável hosi moras foun COVID-19
nian ne'ebé maka mosu iha fulan-Agostu nia laran, iha Auckland, haktuir hosi
komunikadu Ministériu nian.
Nasaun laiha rejistu ba vítima
mortal ida ho ligasaun ba COVID-19 dezde loron 24 Maiu.
Nova Zelándia diagnostika ona,
aleinde ne'e, kazu lima foun hosi moras ne'e iha oras 24 ikus, na'in tolu
transmiti lokalmente, aumenta total ba infesaun ba ema na'in 1.413 ne'ebé iha
ona vítima mortal na'in 23.
Primeira-ministra, Jacinta
Ardern, hatete iha loron-sesta ne'e katak limitasaun sira ne'ebé halo iha Nova
Zelándia hafoin surtu foun sei mantén pelumenus to'o loron 14 Setembru.
Nasaun sei mantén nível alerta 2,
hosi nível máximu ida to'o haat, nune'e mós izolamentu iha Auckland, hatete
hosi Ardern ba jornaista sira. Medida sei iha fali revizaun iha loron 14
Setembru.
Primeira-ministra neozelandeza
justifika ona desizaun tanba tanba seidauk hatene orijen hosi infesaun lokal
sira iha Auckland, ho populasaun ida hamutuk millaun 1,7, hatene de'it katak
vírus tama fali iha nasaun liuhosi fronteira, iha momentu ne'ebé Nova Zelándia
laiha transmisaun lokal iha loron 102 nia laran.
"Infesaun sira hotu mai hosi
kazu úniku ida", Ardern hatete.
Iha 12 Agosto, governu Nova
Zelándia hala'o konfinamentu iha Auckland ho aumenta alerta ba nível 2 iha
parte seluk nasaun nian.
Elojiadu iha mundu tomak tanba
jestaun pandemia nian, Nova Zelándia dekreta ona iha Marsu izolamentu ida
ne'ebé maka'as tebes iha mundu, taka fronteira sira hotu bainhira iha de'it kazu
50.
Pandemia COVID-19 halo ona
pelumenus ema na'in 863.052 mate ho infeta ona ema millaun 26 iha nasaun ho
teritóriu hamutuk 196, haktuir hosi balansu ne'ebé halo hosi ajénsia notísia
France-Presse (AFP).
Iha Portugal, mate ona ema na'in
1.829 hosi ema infetadu na'in 59.051 ne'ebé konfirmadu, haktuir hosi boletin
foun hosi Diresaun-Jeral Saúde nian.
Moras ne'e transmiti hosi
koronavírus foun ne'ebé hetan iha Wuhan, sidade ida iha sentru Xina, iha final
Dezembru.
Sapo TL | Lusa
Sem comentários:
Enviar um comentário